Advertisement
 
 
 
 
 
 
 
 

Politiki | Mu Rwanda

Ibihugu bigize EAC byihaye amezi atatu yo kwiga ku masezerano y’ubucuruzi na EU   

  Yanditswe na IMVAHO NSHYA
 2 months ago

 
 

Ibihugu bitandatu bigize Umuryango wa Afurika y’Uburasirazuba (EAC), byihaye amezi atatu yo kwiga ku masezerano agamije koroshya ubucuruzi n’Umuryango w’Ubumwe bw’u Burayi (EU).

Nyuma y’inama idasanzwe yitabiriwe na Perezida w’u Rwanda, Paul Kagame, Yoweri Museveni, John P. Magufuli n’intumwa z’u Burundi, Kenya na Sudani y’Epfo, Magufuli wari uyoboye inama yavuze ko bemeje kwiha umwanya uhagije wo gushishoza kuri aya masezerano.

Ati” Twize ku bibazo biri muri ayo masezerano y’ubufatanye mu by’ubukungu (EPA) dusanga tugomba kubiha andi mezi atatu kugeza muri Mutarama kugira ngo tubibonere igisubizo.”

JPEG - 113.8 kb
Abakuru b’ibihugu mu nama ya 17 idasanzwe ya EAC

Hashize imyaka 14 EU igirana ibiganiro n’ibihugu bya EAC kuri ayo masezerano y’ubucuruzi azavanaho imbogamizi nyinshi byahuraga nazo mu gutumiza no kohereza ibicuruzwa mu Burayi.

Kugeza ubu u Rwanda na Kenya byamaze gusinya ayo masezerano naho ibindi bihugu biracyinangira. Ayo masezerano azashyirwa mu bikorwa igihe ibihugu byose bigize uyu muryango byamaze kuyemeza.

Muri iyi minsi ibihugu birimo Tanzania n’u Burundi byatangaje ko bitazayashyiraho umukono kuko nta nyungu biyabonamo , cyane ko bisanga yazabisubiza inyuma mu iterambere.

Impamvu ibi bihugu byashyize imbere zirimo gutinya ko abanyaburayi bakwigarurira amasoko yabyo bigahombya abashoramari n’inganda zo mu karere.

Kenya niyo yonyine ishobora kugerwaho n’ingaruka zikomeye mu bucuruzi kuko itari mu bihugu bikennye cyane. Naho ibindi bihugu bigize EAC nubwo bitayasinya byazakomeza kohereza ibintu mu Burayi binyuze mu masezerano yihariye yabishyiriweho.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.