Advertisement
 
 
 
 
 
 
 
 

Politiki | Mu Rwanda

Gakenke: Perezida Kagame yasabye abayobozi kwihutisha ibikorwa remezo byadindiye   

  Yanditswe na IMVAHO NSHYA
 March 2016

 
 

Perezida Kagame yasuye akarere ka Gakenke kuri uyu wa 24 Werurwe 2016, asaba ko kubaka ibikorwaremezo byihutishwa, ibyo birimo ibitaro bya Gatonde, bimaze imyaka isaga 15 bisezeranyijwe ariko kugeza ubu bikaba bitarubakwa.

Mu ijambo yagejeje ku baturage, umukuru w’igihugu yavuze ko atiyumvisha ukuntu hari ibikorwa remezo byadindiye mu buryo budasobanutse. Yagarutse ku ivuriro rya Gatonde ryasezeranyijwe abaturage mu 1999 ariko kugeza ubu bakaba batararibona.

JPEG - 72.5 kb
Abaturage ba Gakenke bakiranye ibyishimo Perezida Kagame

Yasabye Minisiteri y’Ubuzima, iy’Ibikorwa remezo n’iy’Ubutegetsi bw’Igihugu gusobanura impamvu kugeza ubu iryo vuriro ritarubakwa n’imihanda ikaba itaragera ku baturage.

Ati” Hari ibintu byinshi hano ntashobora kumva, hari n’ibyasezeranyijwe muri 1999, bamwe bari hano ngira ngo bari bataravuka. Ivuriro ryo muri Gatonde ryasezeranyijwe mu 1999… mwari mubizi?”.

Yasabye Minisitiri muri Perezidansi ko ibyo bitaro byubakwa byihutirwa, asaba na Minisitiri w’Ibikorwa remezo ko imihanda mu karere ka Gakenke yubakwa mu gihe gito gishoboka.

Umukuru w’igihugu, yagarutse kandi ku bibazo by’ubuhinzi b’ubworozi cyane cyane ku bayobozi barigisa ibyagenewe abaturage.

Ati” Nagiye numva ko no muri VUP n’ibindi byatanzwe kugira ngo abaturage babashe korora ko ahri abayobozi babirigishije bakabigira ibyabo […] ariko ndibwira ko bamwe bagomba kuba babibazwa, abatarabibazwa bakabiryozwa vuba.”

Umukuru w’igihugu kandi yakebuye Minisitero y’Ubuhinzi ku kibazo cy’imbuto zihabwa abaturage bikarangira ziteze, hamwe n’izibabana nke.

Ntiyanyuzwe n’ibisobanuro yahawe asaba ko imbuto ziterwa mu Rwanda zizajya zikorerwa mu gihugu, dore ko hari ibigo n’abakozi babishinzwe.

 

Comments

 
 
U Rwanda rukeneye abanyamakuru baharanira ukuri –Minisitiri Kaboneka
U Rwanda rukeneye abanyamakuru baharanira ukuri –Minisitiri Kaboneka

Minisitiri w’Ubutegetsi bw’Igihugu Kaboneka Francis yavuze ko umunyamakuru u Rwanda rwifuza ari uhagarara ku kuri kw’igihugu akanaharanira ahazaza heza hacyo. Ibi yabitangaje mu muhango wo kwibuka (...)

 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.