Advertisement
 
 
 
 
 
 
 
 

Politiki | Mu Rwanda

EALA igiye gushyiraho itegeko rihana abahakana n’abapfobya Jenoside   

  Yanditswe na GATETE JEAN BOSCO
 2 months ago

 
 

Inteko Inshinga Amategeko y’Umuryango w’Afurika y’Uburasirazuba, EALA, , igiye gushyiraho itegeko rihana abahakana n’abapfobya Jenoside yakorewe Abatutsi mu 1994 mu rwego rwa EAC.

Abadepite bagize komite ya EALA yihariye yashyizweho hagamijwe gukurikirana no kureba uko Jenoside yakorewe Abatutsi yakozwe n’impamvu zimbitse zayiteye mu Rwanda bagiye kumara icyumweru mu Rwanda biga uko iryo tegeko ryashyirwaho.

Depite Judith Pareno akuriye iryo tsinda, yavuze ko bagamije gufata ingamba zo kurwanya abapfobya Jenoside n’abayihakana mu bihugu bigize EAC byose.

Ati ”Turi hano kugira ngo turebe impamvu zimbitse zateye Jenoside yakorewe Abatutsi, ntabwo twasuye urwibutso rwa Gisozi gusa ahubwo twanarukuyemo amasomo, nyuma tuzashyikiriza imyanzuro inteko dufatire hamwe ingamba n’ibyemezo bigamije kurwanyiriza hamwe abapfobya n’abahakana Jenoside mu rwego rw’umuryango w’Afurika y’Iburasirazuba”.

JPEG - 108.1 kb
Abadepite ba EALA

Depite Nusura Tiperu,ukomoka muri Uganda avuga ko umuryango mpuzamahanga wemeye Jenoside yakorewe Abatutsi, bityo na EAC ikaba igomba kuyiha agaciro.

Ati ”Isi yose yemeye Jenoside yakorewe Abatutsi, iyo muvuze Jenoside yakorewe Abatutsi twe nk’abagande dukorwaho twabonye ibyabaye, igihugu cyacu gishyinguye imibiri y’abayizize mu nzibutso hirya no hino, turareba icyakorwa kugira ngo mu rwego rw’akarere hajyeho itegeko rihana abayipfobya Jenoside kimwe n’abayihakana”.

Yakomeje agira ati ”Byagorana gusangiza abandi amakuru nawe utarayumva neza, turizera ko urubyiruko rungana na 80% by’abatuye Afurika y’Iburasirazuba rugiye kubona amakuru nyayo kuri Jenoside yakorewe Abatutsi bityo bibashoboze kuyirinda”.

Naho depite Martin Ngoga ukomoka mu Rwanda yagize ati ”Ntabwo twari dufite Politiki imwe duhuriyeho nk’abaturage bahuje icyerecyezo, iyi ni intambwe itegura ibikorwa bigari bigiye kujyaho mu rwego rwo guhangana n’abahakana n’abapfobya Jenoside mu rwego rw’Akarere“.

Ibi byashimangiwe na Depite Nduwimana Martin ukomoka mu Burundi uvuga banaje kureba uko u Rwanda rwiyubatse nyuma yo guca muri ayo marorerwa, bagakuramo amasomo yafasha kuzana amahoro mu Karere, hakumirwa ibibi bitaraba.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.