2017-08-20 07:43:19 clouds 27o High | Kigali Rwanda

Dukurikire:
 
 

EALA: Abadepite b’u Rwanda basize boroheje ubuhahirane

Yanditswe na IMVAHO NSHYA

Kuya 2017-05-03 06:34:04

 
Share on:
 
Yasuwe:135
 
Yavuzweho:200
 
10
 
10

Abadepite 9 bari bahagarariye u Rwanda mu Nteko Ishinga Amategeko y’Umuryango wa Afurika y’Iburasirazuba (EALA) batangaje ko muri manda y’imyaka 9 bamaze basize hari byinshi bikozwe byorohereza Abanyarwanda mu buhahirane n’akarere.

Babitangaje ejo hashize tariki ya 2 Gicurasi 2017 ubwo bagiranaga ibiganiro n’itangazamakuru mu gusoza icyiciro cy’ubukangurambaga ku Muryango wa Afurika y’Iburasirazuba, EAC, no kugaragaza ibyagezweho mu myaka 9 bamaze nk’intumwa z’Abanyarwanda muri EALA.

Patricia Hajabakiga ubakuriye, yavuze ko mu mategeko y’ingenzi abadepite b’Abanyarwanda bagize uruhare mu gushyiraho harimo afasha cyane mu koroshya ubucuruzi mu karere, nk’itegeko rigabanya inzitizi zitari iz’amahoro no gukerereza imodoka z’abakora ubucuruzi ziva ku byambu.

Ati “Rigabanya biriya byo kuva Dar es Salaam (Tanzania) imodoka aho yamaraga iminsi 21, ubu turabara iminsi 5, havuyeho iminzani mu nzira hasigayemo 3 gusa. Hagati ya Mombasa na Kigali hasigaye iminzani 5 gusa; twize itegeko rishyiraho imikorere y’umupaka umwe (One Border Post), kwambuka umupaka bikoroha.”

JPEG - 160.5 kb
Abadepite b’u Rwanda muri EALA bishimira ko bagiye gusoza manda basize amategeko yorohereza ubuhahirane, bifasha Abanyarwanda gukorana n’ibindi bihugu (Foto James R.)

Mu bindi harimo kwemeza ibinyabiziga bifite uburemere ntarengwa bimwe byafatwaga nk’ibidindiza ingendo mu mihanda ihuza akarere no kugenzura imodoka yikoreye umuzigo, nyirayo akayikurikirana yibereye iwe (Trucking System).

Depite Odette Nyiramirimo we yavuze ko mu mategeko iyo nteko yatoye kuva u Rwanda rwakinjiramo atandatu muri yo yatowe atangijwe n’abadepite b’Abanyarwanda kugira ngo n’abandi bagenzi babo ibyo batagiraga babyigireho bajye no kubikora iwabo.

Muri iyi manda bazasoza mu kwezi kwa Kamena 2017, aba badepite bavuga ko imikorere yabo yagize impinduka mu muryango wa EAC mu bikorwa byinshi kandi bifitiye igihugu akamaro.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE