2017-10-18 18:43:44 clouds 27o High | Kigali Rwanda

Dukurikire:
 
 

Paul Kagame yiyamamarije mu karere ka Ngororero

Yanditswe na IMVAHO NSHYA

Kuya 2017-07-18 08:09:58

 
Share on:
 
Yasuwe:431
 
Yavuzweho:200
 
10
 
10

Umukandida w’Umuryango FPR Inkotanyi n’andi mashyaka biri kumwe, Paul Kagame kuri uyu wa 18 Nyakanga 2017 ariyamamariza mu karere ka Ngororero mu ntara y’Uburengerazuba.

Ni igikorwa kibera mu kagari ka Kabagari , umurenge wa Ngororero, muri sitade nshya y’ako karere. Abaturage b’aka karere bazindutse kare cyane kugira ngo bahagerere igihe dore ko hari n’abaturutse kure cyane mu mirenge ya Kabaya, Matyazo, Bwira, Nyange, aho kugera aho kandida Kagame araba ari byabatwaye amasaha abarirwa hejuru y’atatu ku baje n’amaguru.

Paul Kagame arava mu karere ka Ngororero ajya kwiyamamaza mu ka Muhanga.

JPEG - 126.1 kb
Abaturage bakubise baruzura muri sitade nshya y’akarere ka Ngororero
JPEG - 93 kb
Abitabiriye kwamamaza Paul Kagame mu karere ka Ngororero babarirwa mu bihumbi

I saa tanu, abahanzi batandukanye barimo Eric Senderi, Mariya Yohana, Jay Polly, Kitoko, King James, Knowless, Dream Boyz bari gususurutsa imbaga mu ndirimbo zivuga ibyagezweho mu myaka irindwi ishize.

Perezida Kagame yageze kuri sitade y’akarere ka Ngororero saa tanu n’iminota 50 ahateraniye abaturage ibihumbi.

Saa Sita: Mujawayezu Laurence wo mu murenge wa Muhororo aratanga ubuhamya bw’ibyiza yagezeho. Avuga ko yitandukanyije n’abacengezi mu 2003, aho yari Repubulika Iharanira Demokarasi ya Congo kandi atwite.

Saa sita na 20: Minisitiri Uwacu Julienne atumiye Kagame kugeza ijambo ku baturage ba Ngororero.

Paul Kagame yabwiye abaturage ba Ngororero ko Abanyarwanda bazagera ku ntego bifuza bashyize imbere ubumwe, bakirengagiza ibibatandukanya.

Yababwiye ko kumutora ari ugutora amajyambere ashingiye ku bikorwaremezo, umutekano n’ibindi bikorwa bizatuma barushaho kuba mu buzima bwiza.

Yagize ati tariki enye z’ukwa munani "Tuzaba dutora gukomeza amajyambere, gukomeza gukwiza hose amashuri, imihanda, amavuriro n’ubuhinzi n’ubworozi buduteza imbere. Tuzaba dutora ibiduha umutekano, tuzaba dutora ibiduha gutera imbere mu ikoranabuhanga. Tuzaba dutora kugira igihugu kitajegajega,giteye imbere, gishinga kigakomeza.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE