2017-09-25 08:13:20 clouds 27o High | Kigali Rwanda

Dukurikire:
 
 

Angola: Perezida Dos Santos yatangaje umusimbura nyuma y’imyaka 37 ari ku butegetsi

Yanditswe na IMVAHO NSHYA

Kuya 2017-02-03 13:56:27

 
Share on:
 
Yasuwe:1740
 
Yavuzweho:200
 
10
 
10

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura.

Dos Santos w’imyaka 74, yayoboye Angola kuva mu 1979; niwe Mukuru w’Igihugu cya Afurika wa kabiri uyoboye igihe kirekire nyuma ya Teodoro Obiang Nguema wa Equatorial Guinea .

AFP ivuga ko mu nama y’ishyaka rye MPLA yabereye mu murwa mukuru, Luanda, yagize ati “Ubuyobozi bw’ishyaka bwemeje ko Minisitiri Joao Manuel Goncalves Lourenco ari we uziyamamaza mu matora yo mu Gushyingo.”

JPEG - 123 kb
Perezida wa Angola, Eduardo Dos Santos

Byatangiye guhwihwiswa mu mpera z’umwaka ushize ko Lourenco, wahoze ari umujenerali ari we washyizweho na MPLA ngo asimbure Dos Santos. Icyo gihe uyu mukambwe yari yavuze ko azava ku butegetsi muri 2018.

Ishyaka rya Dos Santos, ritagira urirwanya ugaragara, ryari riherutse gutangaza ko Dos Santos arwaye bikomeye.

Kuva muri 2010, itegeko nshinga za Angola rivuga ko Perezida adatorwa ku buryo bweruye n’abaturage ahubwo ko umukandida w’ishyaka ryatsinze amatora ari we uba umukuru w’igihugu.

Dos Santos yagiye ku butegetsi asimbuye Agostinho Neto, waharaniye ubwigenge bwa Angola, agapfa azize kanseri.

Ubutegetsi bwe bwakunze kurangwa n’intambara Leta ye yari ihanganiyemo n’umutwe wa UNITA, yarangiye mu 2002.

Nyuma yaho iki gihugu cyateye imbere kubera ubucuruzi bwa peteroli, ariko benshi mu baturage baguma mu bukene. Ubukungu bw’iki gihugu kandi bwasubiye inyuma kuva mu 2013 ubwo ibiciro bya peteroli byahanantukaga ku rwego mpuzamahanga.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE