Advertisement
 
 
 
 
 
 
 
 

Politiki | Mu Rwanda

Amateka y’umuryango AU wateranyiriye ibihugu bisaga 50 mu Rwanda   

  Yanditswe na MUGABO LAMBERT
 5 months ago

 
 

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016.

Uyu muryango, uhuza ibihugu bya Afurika, abakuru babyo na za Guverinoma, ufite amateka maremare.

Ku wa 25 Gicurasi 1963 Addis Ababa muri Ethiopia, ibihugu 32 byari bimaze kubona ubwigenge byemeranyijwe gushyiraho Umuryango w’Ubumwe bw’Afurika, OAU (Organization of African Unity) cyangwa se OUA.

Nyuma ibindi bihugu bya Afurika 21 byinjiye muri uyu muryango, bigera 53 igihe hashyirwagaho AU (African Union) mu mwaka wa 2002.

JPEG - 53.5 kb
AU igizwe n’ibihugu byigenga byo ku mugabane wa Afurika

Ku ya 9 Nyakanga 2011, igihugu cya Sudani y’Amajyepfo kinjiye muri AU maze ibihugu by’ibinyamuryango 54.

Intego nyamukuru za OUA zari guteza imbere ubumwe n’ubufatanye mu bihugu by’Afurika, guhuza ibikorwa ndetse no kubaka ubufatanye, gushyira imbaraga hamwe mu kugera ku buzima n’imibereho myiza by’Abanyafurika, ubwirinzi n’ubwigenge bw’ibihugu bigize umuryango no gukura umugabane w’Afurika mu bukoloni ndetse n’ivanguraruhu “apartheid”.

Izindi nshingano zari uguteza imbere ubufatanye n’amahanga, no guhuza politiki y’ibihugu bigize umuryango, ubukungu, uburezi, umuco, ubuzima, ubumenyi n’ibindi.
OAU yakoraga ishingiye ku masezerano yo mu 1991 ishyiraho “Umuryango w’Ubukungu bw’Afurika” (uzwi nk’Amasezerano ya Abuja). Wari ugizwe n’Abakuru b’ibihugu na za Guverinoma, Inama y’Abaminisitiri n’Ububanyi n’Amahanga, na Komisiyo y’Ubuhuza, Komisiyo y’Ubukungu n’Imibereho, Komisiyo y’Uburezi, Ubumenyi, Umuco n’Ubuzima, ndetse na Komisiyo y’Ubwirinzi.

Kuva muri OAU hajyaho AU

Mu myaka ya za 1990, abayobozi b’ibihugu baganiriye ku kuvugurura OAU/OUA hagamijwe guhangana n’imbogamizi zinyuranye n’impinduka ku isi.

Intego za AU zari ukubakira ku byakozwe na OAU hashyirwaho umuryango wakwihutisha kwishyira hamwe kw’Afurika, kongerera imbaraga ibihugu by’Afurika mu bukungu bw’isi, no gukemura ibibazo bigaragara mu mibereho, ubukungu na politiki Afurika yahuraga na byo. Habayeho inama enye zari zigamije gutangiza AU.

Izo nama ni Inama ya Sirte (1999), ikaba ari yo yatangaje ishyirwaho rya AU. Inama ya Lomé (2000) yashyizeho amategeko ayigenga. Inama ya gatatu ni iya Lusaka (2001) yagennye uko AU yatangizwa, hakaza inama ya kane ya Durban (2002) yatangije ku mugaragaro AU, ikaba yaranahujwe n’inama ya mbere y’Abakuru b’Ibihugu na za Guverinoma.

Inama za AU ziba kabiri mu mwaka, iba mu ntangiriro z’umwaka ibera ku cyicaro gikuru cyayo Addis Ababa muri Ethiopia, naho indi iba mu gihe cy’impeshyi ikabera muri kimwe mu bihugu by’ibinyamuryango, aho iy’uyu mwaka ibera i Kigali mu Rwanda ku matariki yavuzwe hejuru.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.