Advertisement
 
 
 
 
 
 
 
 

Politiki | Mu Rwanda

Abitandukanyije na FDLR bamennye amwe mu mabanga yayo   

  Yanditswe na NGABOYABAHIZI PROTAIS
 9 May

 
 

Umwe mu basirikare ukomeye wahoze mu mutwe w’iterabwoba wa FDRL ukorera mu mashyamba ya Kongo, Colonel Nsengiyumva Augustin, uzwi ku izina rya Kadas, yatangaje amwe mu mayeri uyu mutwe usigaranye yo kwifashisha mu guteza umutekano muke mu Rwanda, asaba abaturage kuba maso.

Colonel Nsengiyumva yatahutse mu cyiciro cya 53. Kimwe na Caporal Mukamugema Janviere bazanye, bavuga ko umutwe wa FDLR ushingwa wari ugizwe n’abasirikare barenga ibihumbi 100, ariko ngo abenshi bamaze gutahuka mu Rwanda, kubera politiki nziza y’u Rwanda yo kwakira neza abatahutse bavuye muri FDRL.

Colonel Nsengiyumva yagize ati:“Ndavuga ibyo nzi kuko ndi mu bantu ba mbere bashinze uriya mutwe, twatangiye dufite imbaraga kuko twari benshi, nayoboye batayo y’abasirikare 800, ariko nagiye kuba umujyanama w’ukuriye FDLR Iyamuremye nsigaranye abantu 300.

JPEG - 58.4 kb
Colonel Nsengiyumva Augustin avuga amayeri ya FDLR (foto Ngaboyabahizi Protais)

N’abandi bifuza kwitahira kuko muri rusange bamaze kumva ko ntacyo barwanira kandi abandi bagenda basaza, gutera kwabo ntabwo bizashoboka rwose”.

Uyu musirikare avuga ko ubu hari amwe mu mayeri basigaranye bumva azabafasha gutera igihugu no kukibuza umudendezo, kuko ubu kugaba ibitero ku bitabashobokera.

Muri ayo mayeri harimo kunyura mu nzira z’uburaya, ubujura bwitwaje intwaro, ubujura buteka umutwe bubeshya (escroquerie), ubuhanuzi budafashije bavuga ngo Imana yabatumye, ndetse n’abarembetsi bari bamwe mu ntumwa za FDLR.

Yagize ati:“Kugira ngo ibitero by’abacengezi bitsindwe ni uko habayeho ubufatanye bw’abaturage na Leta, ibi nibyo byatumye na Gen. Rwarakabije yitahira, kuva uwo munsi nibwo FDLR yatsinzwe.

Nkaba nsaba rero ko abaturage bakwirinda ibihuha kuko nzi ko hari benshi mu Banyarwanda bavugana n’abari muri Kongo ari nabo baduhaye amakuru yo gutaha”.

Caporal Mukamugema Janviere wari ushinzwe gutanga amakuru muri uyu mutwe, we yagize ati:“Twatahutse twiteguye urupfu, none ahubwo twaje mu muzuko, twakoze ibibi byinshi ariko Leta yaratwakiye.

Ndasaba abagore kwitandukanya n’ikibi kuko babishatse rwose nta mwanzi watera u Rwanda, ibi ndabivugira ko mu gihe najyaga gushakira FDRL amakuru ku Gisenyi ari bamwe mu bagore baduhishaga”.

 

Comments

Who are you?
Your post
  • To create paragraphs, just leave blank lines.

 
 
Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Amateka y’umuryango AU wateranyiriye ibihugu bisaga 50 mu Rwanda
Amateka y’umuryango AU wateranyiriye ibihugu bisaga 50 mu Rwanda

Inama ya 27 y’Umuryango w’Ubumwe bw’Ibihugu by’Afurika, AU yateraniye i Kigali mu Rwanda kuva ku ya 10 kugeza ku ya 18 Nyakanga 2016. Uyu muryango, uhuza ibihugu bya Afurika, abakuru babyo na za (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.