2017-10-23 08:23:50 clouds 27o High | Kigali Rwanda

Dukurikire:
 
 

Abatutsi bize mu wa karindwi babikesheje Uwiringiyimana Agatha

Yanditswe na IMVAHO NSHYA

Kuya 2016-04-14 06:24:48

 
Share on:
 
Yasuwe:16
 
Yavuzweho:200
 
10
 
10

Habonimana Charles uhagarariye umuryango w’abarokotse Jenoside yakorewe Abatutsi bize mu mashuri makuru na za kaminuza (GAERG) asanga abatutsi babashije kwiga bakarangiza amashuri ari abize ubwo Uwiringiyimana Agatha yayoboraga Minisiteri y’Uburezi.

Uwiringiyimana Agatha ufatwa nk’intwari y’u Rwanda yarwanyije cyane politike y’ubusumbane mu burezi yabaye Minisitiri w’uburezi mu 1992 ashyizweho na Dismas Nsengiyaremye wari minisitiri w’intebe icyo gihe, nyuma y’amezi ane gusa amaze kwinjira mu ishyaka rya MDR ritavugaga rumwe n’ubutegetsi bwa Habyarimana.

Habonimana avuga ko Agatha akigera muri minisiteri y’ uburezi, Uwiringiyimana Agatha yarwanyije ubusumbane bushingiye ku moko bwabarizwaga muri iyi minisiteri aho abanyeshuri bakomezaga mu byiciro bikurikira amasomo yabo hatarebewe ku kuba batsinze ibizamini bya leta ahubwo hakoreshejwe ibizwi nko kwemererwa icyo gihe nibwo hatangiye kuboneka imyanya mu mashuri ya Leta na za buruse hakurikijwe amanota.

JPEG - 146.1 kb
Agatha Uwiringiyimana n’abana be mbere ya Jenoside

Ubwo yatangaga ikiganiro kigamije gusobanura ingengabitekerezo ya Jenoside, Habonimana yagarutse ku ruhare rwa Uwiringiyimana Agatha nk’intwari y’umwihariko ikwiye kwibukwa n’abarokotse Jenoside babashije kwiga ubwo yayoboraga MINEDUC.

Yagize ati “Abatutsi benshi barokotse mu bize iriya reforume y’uwa karindwi n’uwa munani si uko hari ikindi cyari gihindutse ahubwo ni uko hari umugore bitaga ingare bakanamutuka amazina menshi. Ubwo nibwo twagiye kubona rero tubona iwacu ku misozi noneho abana benshi baratsinze twibaza ibibaye! Byahindutse kubera ko iyo minisiteri yari yahawe MDR.”

Yasobanuye ko ivangura mu burezi ryajyanaga n’ibindi byaha byagaragariraga abantu bose nko kubuza abantu ubumuntu aho Abatutsi bitwaga inzoka cyangwa inyenzi, kwishyirahamwe muri za mitingi, gushishikariza abantu kwangana binyuza mu bitangazamakuru nka kangura no gutoza imitwe nk’interahamwe n’ibindi byagaragazaga uburyo Jenoside yateguwe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE