Advertisement
 
 
 
 
 
 
 
 

Politiki | Mu Rwanda

Abanyarwanda ni inshuti magara - Perezida Magufuli   

  Yanditswe na HERVE UGIRUMUKUNDA
 July 2016

 
 

Perezida wa Tanzaniya, John Pombe Magufuli yashimiye Perezida w’u Rwanda Paul Kagame, kuba yasuye icyo gihugu, avuga ko ibihugu byombi bifitanye umubano utajegajega.

Mu ijambo yagejeje ku itangazamakuru kuri uyu wa 1 Nyakanga 2016, Perezida Magufuli yasobanuye ko umubano w’u Rwanda na Tanzania ushingiye ku nyungu z’ibihugu byombi, kandi ko imishinga bihuriyeho igiye kwihutishwa.

Ati” Ibihugu byacu bifitanye umubano ushingiye ku nyungu no kubahana. U Rwanda ni inshuti magara, tugiye kwihutisha imishinga y’ibikorwa remezo, ndetse guverinoma ya Tanzaniya izakomeza kubungabunga icyambu cya Dar es Salaam u Rwanda runyuzaho ibicuruzwa.”

JPEG - 82.2 kb
Perezida Magufuli na Kagame mu kiganiro n’itangazamakuru

Perezida Kagame nawe yavuze ko u Rwanda rwifuza ko umubano warwo na Tanzaniya ugaragarira mu bikorwa, maze umuhanda wa gariyamoshi uzahuza ibihugu byombi ukubakwa vuba bishoboka.

Ati” Twishimiye kugirana na Tanzaniya umubano ushingiye ku nyungu rusange, twiteguye kuzuza ibyo dusabwa. Dushaka ko uwo muhanda wa gariyamoshi wubakwa ukareka kuguma mu nzozi.”

Yongeyeho ko u Rwanda ruzakomeza gushyira ingufu mu mubano utajegajega na Tanzaniya hagamijwe iterambere n’imibereho myiza y’abatuye ibyo bihugu.”

Mu ruzinduko rwa perezida Kagame muri Tanzaniya, Minisitiri w’Ububanyi n’Amahanga w’u Rwanda,Louise Mushikiwabo n’uwa Tanzania, Augustine Mahiga bashyize umukono ku masezerano y’ubufatanye y’ibihugu byabo.

Ayo masezerano arimo ay’ubufatanye mu bucuruzi no kwihutisha ibikorwa remezo mu muhora wo hagati, birimo umuhanda wa gariyamoshi uzahuza u Rwanda, Tanzania, u Burundi, Uganda n’Uburasirazuba bwa Congo.

 

Comments

 
 
 USA yatangiye kohereza intwaro hafi ya Koreya Ruguru
USA yatangiye kohereza intwaro hafi ya Koreya Ruguru

Leta Zunze Ubumwe za Amerika (USA) yatangiye kohereza bimwe mu bice bigize igitwaro gikumira ibisasu bya misile muri Koreya y’Epfo kuri uyu wa Kabiri; nyuma y’uko Koreya ya Ruguru yongeye gutera (...)

Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.