2017-08-19 07:41:08 clouds 27o High | Kigali Rwanda

Dukurikire:
 
 

Abanyarwanda baba mu Bubiligi biteguye kwakirana ubwuzu Perezida Kagame

Yanditswe na IMVAHO NSHYA

Kuya 2017-06-02 07:23:25

 
Share on:
 
Yasuwe:435
 
Yavuzweho:200
 
10
 
10

Abanyarwanda baba mu gihugu cy’u Bubiligi batangaje ko biteguye kwakirana ubwuzu Perezida wa Repubulika y’u Rwanda, uzabasura mu cyumweru gitaha.

Ambasaderi w’u Rwanda, mu Bubiligi, Olivier Nduhungirehe yatangaje ko Umukuru w’Igihugu azabonana n’Abanyarwanda bari muri icyo gihugu ku wa Gatatu ku ya 7 Kamena 2017, bakazagirana ikiganiro ku iterambere ry’igihugu muri rusange.

Biteganyijwe ko bazabanza bagakora imyiyerekano yo gushyigikira Perezida Kagame ahitwa Tour& Taxis mu Mujyi wa Bruxelles, kuva saa tatu za mu gitondo ubundi bakaza kuganira nawe saa saba.

Perezida Kagame azaba yitabiriye inama ngarukamwaka ku iterambere ry’u Burayi (European Development Days Forum izatangira ku ya 7 kugeza ku ya 8 Kamena, igahuza abantu babarirwa mu 5000 baturutse mu bihugu 140.

Muri iyo nama abayobozi n’impuguke bazungurana ibitekerezo ku guteza imbere ubufatanye no guhanga ibisubizo by’ibibazo byugarije Isi muri iki gihe.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE