Advertisement
 
 
 
 
 
 
 
 

Politiki | Mu Rwanda

2017: Amatora ya perezida azatwara frw asaga miliyari eshanu   

  Yanditswe na IMVAHO NSHYA
 5 months ago

 
 

Leta y’u Rwanda izakoresha ingengo y’imari y’amafaranga miliyoni eshanu na miliyoni 500 mu matora ya perezida ateganyijwe muri Kanama y’umwaka utaha.

Umunyamabanga Nshingwabikorwa wa Komisiyo y’Igihugu y’Amatora (NEC) Charles Munyaneza, yabwiye The New Times ko amafaranga akoreshwa mu matora yagabanutse ugereranyije no muri 2010 ubwo amatora ya perezida yatwaye miliyari zisaga esheshatu.

Munyaneza yasobanuye ko byatewe no gutangira gukoresha ikoranabuhanga mu matora, gukoresha abakorerabushake no kubika neza ibikoresho by’amatora.

Ati” Mu 2010, ingengo y’imari yakabakabaga miliyari 7. Ntabwo kuri ubu turi kugura ibikoresho byose kuko nk’urugero udusanduku tw’amatora tuzakoresha ni utwakoreshejwe mu matora y’abadepite yo muri 2008.”

Yasobanuye ko guverinoma izatanga 95 by’ayo mafaranga yose, anavuga ko azakoreshwa mu gutegura Abanyarwanda b’imbere mu gihugu no hanze yacyo.

Ati” kuri ubu turi gutegura ibikoresho byo gukangurira abaturage kwitabira amatora. Turateganya amahugurwa ku byiciro byihariye nk’abagore, urubyiruko, abafite ubumuga , abanyamakuru, abashinzwe umutekano, abahagarariye imiryango ya sosiyete sivile, n’indorerezi z’amatora ngo tubamenyeshe akamaro bafite mu kuyategura.”

JPEG - 65.9 kb
Umunyamabanga Nshingwabikorwa wa Komisiyo y’Igihugu y’Amatora, Charles Munyaneza

Munyaneza yanavuze ko hagiye gushyirwaho ingengabihe y’amatora.

Ati” Itariki y’amatora yenda gutangazwa; nk’uko bisanzwe itegeko rya Perezida riyigena ryenda gusohoka. Muri uyu mwiherero turarebera hamwe itariki ishoboka tuyohereza uri guverinoma izemezwe mu nama y’abaminisitiri. Duteganya ko iyo tariki izatangazwa mbere y’uko uyu mwaka urangira.”

Kuri ubu abantu miliyoni 6.6 bari kuri lisiti y’itora, biyongereyeho miliyoni 1.4 ugereranyije n’abari biyandikishije mu matora yo muri 2010. Mu matora ya perezida yo muri 2003 hatoye miliyoni 3.9.

Umunyamabanga Nshingwabikorwa wa NEC avuga ko bazavugurura lisiti y’itora mu Gushyingo k’uyu mwaka, Gicurasi 2017 no muri Nyakanga hagati mu mwaka utaha.

Yongeyeho ko buri muturage ashobora kureba niba ari ku rutonde akoresheje mudasobwa ye cyangwa telefoni igendanwa.

 

Comments

 
 
Angola: Perezida Dos Santos yatangaje umusimbura nyuma y’imyaka 37 ari ku butegetsi
Angola: Perezida Dos Santos yatangaje umusimbura nyuma y’imyaka 37 ari ku butegetsi

Perezida wa Angola, Eduardo dose Santos yatangaje kuri uyu wa Gatanu ko atazongera kwiyamamaza ashyiraho Minisitiri w’Ingabo nk’umukandida uzamusimbura. Dos Santos w’imyaka 74, yayoboye Angola (...)

Perezida Kagame arakira indahiro z’abagize guverinoma nshya
Perezida Kagame arakira indahiro z’abagize guverinoma nshya

Perezida wa Repubulika y’u Rwanda, Paul Kagame arakira indahiro z’abaminisitiri n’abandi bayobozi bagize guverinoma yavuguruwe ku wa kabiri ku ya 4 Ukwakira 2016. Iyo guverinoma iyobowe na (...)

Trump na Hillary mu kiganiro mpaka cya kabiri ni inde uzatsinda?
Trump na Hillary mu kiganiro mpaka cya kabiri ni inde uzatsinda?

Abakandida bahatanira kuyobora Leta Zunze Ubumwe za Amerika, Donald Trump na Hillary Clinton baraye bagize ikiganiro mpaka. Mu kiganiro cya Mbere Trump yatsinze Hillary Ikiganiro mpaka cya (...)

 Kenya: Perezida Kagame yitabiriye inama ku buhinzi
Kenya: Perezida Kagame yitabiriye inama ku buhinzi

Perezida wa Repubulika, Paul Kagame, kuri uyu wa Gatatu, ari i Nairobi mu gihugu cya Kenya aho yitabiriye ihuriro ku mpinduramatwara mu birebana n’ubuhinzi butangiza ibidukikije ku mugabane wa (...)

Perezida Kagame  na Kabila  barahurira mu mujyi wa Rubavu
Perezida Kagame na Kabila barahurira mu mujyi wa Rubavu

Perezida wa Repubulika y’u Rwanda Paul Kagame, kuri uyu wa 12 Kanama 2016 yahuye n’uwa Repubulika Iharanira Demokarasi ya Congo, Joseph Kabila mu mujyi wa Rubavu. Biteganyijwe ko Perezida Kagame (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.