2017-12-12 14:14:08 clouds 27o High | Kigali Rwanda

Dukurikire:
 
 

USA: Urukiko rwongeye kuburizamo itegeko rya Perezida Trump rikumira abimukira

Yanditswe na IMVAHO NSHYA

Kuya 2017-05-26 07:19:49

 
Share on:
 
Yasuwe:360
 
Yavuzweho:200
 
10
 
10

Urukiko rw’Ubujurire rwa Richmond, Virginia muri Leta Zunze Ubumwe za Amerika rwongeye kuburizamo itegeko rikumira abimukira bo mu bihugu bitandatu byiganjemo ibigendera ku mahame ya Kiyisiramu Perezida Donald Trump ashaka gushyiraho.

Iryo tegeko ryamaganwe cyane ku rwego mpuzamahanga, kuko hari abasanga rishingiye ku ivangura rishingiye ku idini. Umucamanza yariburijemo muri Gashyantare, riza kuvugururwa ariko nanone inkiko ziriburizamo zishingiye ku itegeko nshinga rya USA ryamaganira kure ihezwa iryo ari ryo ryose rishingiye ku bwoko cyangwa ku idini.

Reuters ivuga ko abacamanza bavuze ko nubwo ubuyobozi bwa Trump bwarihinduye bugakuramo inyito y’Abayisilamu, urebye muri rusange ntacyo ryahindutseho.

JPEG - 24.2 kb
Perezida Trump akomeje gutsimbarara ku itegeko rikumira abimukira nubwo atsindwa mu nkiko

Bahamije ko nubwo Trump avuga ko iryo tegeko rishingiye ku gusigasira umutekano w’igihugu ryari no kuzagira ingaruka zikomeye ku baturage ba Leta Zunze Ubumwe za America aho bava bakagera.

Kuva Donald Trump yatorerwa kuyobora USA, yagiye akomwa mu nkokora mu gushyira mu bikorwa ibyo yari yasezeranyije abamushyigikiye. Ibi byatumye yikoma kenshi ubutabera bw’icyo gihugu abushinja gukorera mu nyungu za politiki.

Nubwo inkiko zikomeje kwitambika ishyirwa mu bikorwa rya Politiki ikumira abimukira, ubuyobozi bwa Trump buvuga ko bushobora kujuririra mu rukiko rw’ikirenga ari narwo ruruta izindi muri USA.

HERVE UGIRUMUKUNDA

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE