2017-12-11 14:03:29 clouds 27o High | Kigali Rwanda

Dukurikire:
 
 

USA: Hillary Clinton yibasiye Trump mu ijambo rye rya mbere nyuma y’amatora

Yanditswe na IMVAHO NSHYA

Kuya 2017-03-29 08:32:09

 
Share on:
 
Yasuwe:922
 
Yavuzweho:200
 
10
 
10

Mu ijambo rya mbere yavugiye mu ruhame nyuma yo gutsindwa amatora, Hillary Clinton yibasiye ubuyobozi bwa Perezida wa Leta Zunze Ubumwe za Amerika , Donald Trump.

Yavuye imuzingo gahunda za Leta ya Trump zose arazinenga ahereye kuri politiki yo kwivuza bashakaga gusimbuza #Obamacare no kuba abagore batagaragara mu myanya yo hejuru mu buyobozi.

Hillary Clinton, waganiraga n’abagore b’abacuruzi mu mujyi wa San Francisco, yavuze yisekera ko yari amaze iminsi atavuga nyuma yo gutsindwa na Trump kuko atiyumvishaga ukuntu atari we uri muri White House.

Ntiyigeze avuga Donald Trump mu izina, ariko ati “Ni ubwa mbere abagore batagaragaye mu myanya y’ubuyobozi muri iki gisekuru!”

Clinton yavuze ko yatangajwe no kubona ifoto iriho abadepite b’ishyaka ry’Abarepubulikani b’abagabo gusa bari kwiga ku itegeko rigena uko abagore bazajya bavurwa.

Ati “Ni nko kubona imbwa ziri kwiga uko zizajya zita ku njangwe.”

Uyu mugore kandi yavuze ko kuba Trump yaratsinzwe gusimbuza Obamacare ari “intsinzi y’Abanyamerika bose.”

Donald Trump yahaye akazi muri perezidansi ye abagore bane gusa, ni kimwe no ku buyobozi bwa George W. Bush.

Mu cyumweru gishize, Trump yahaye umukobwa we Ivanka Trump Kushner akazi ko kwita ku bana n’ibindi bibazo by’abagore n’abagabo bafite akazi.

Nyuma yo gutsindwa na Trump, Hillary Clinton ntiyakunze kugaragara mu ruhame. Ku wa Kabiri, ubwo yagejeje kuri rubanda ijambo rya mbere, yasabye abaturage kwivumbura kuri Trump.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE