Advertisement
 
 
 
 
 
 
 
 

Politiki | Mu Mahanga

Umuryango wa EAC uravugwamo ruswa n’ikimenyane mu gutanga akazi   

  Yanditswe na IMVAHO NSHYA
 October 2016

 
 

Inteko Ishinga Amategeko y’Umuryango wa Afurika y’Uburasirazuba, EALA, yahagaritse igikorwa cyo kwakira abakozi bashya muri EAC kubera ruswa n’imimenyane byagaragaye mu gutanga akazi.

Mu nteko yabaye mu cyumweru gishize muri Zanzibar, depite uhagarariye Kenya, Ogle Abubakar, yagaragaje ko atewe impungenge n’ukuntu abakozi ba EAC bashyirwa mu myanya habayeho ruswa n’andi manyanga.

Ati “Uku mundeba ndi umugabo uhangayitse, hari amanyanga mu guhamagara abakandida bemerewe gukora ikizamini cy’akazi, hari n’abahamagarwa kuko batanze ruswa, ntekereza ko dukwiye kubicukumbura, kuko ni ikibazo kibangamiye ibihugu bigize umuryango wa EAC byose.”

Ibi byashimangiwe na depite Abubakar Zein nawe wo muri Kenya uvuga ko ubunyamabanga bwa EAC butesha agaciro abakozi bafite ubunararibonye ntibahamagarwe ngo bakoreshwe ikizamini hakaba n’abandi bahabwa akazi bakageramo kakabananira.

Byatumye abadepite bafata umwanzuro watekerejwe na depite Tiperu Nusura wa Uganda, wo gusubika ibikorwa byo gutanga akazi kugira ngo hakorwe iperereza ku bayobozi ba EAC bahabwa ruswa.

Kuri ubu umukozi wa EAC ahabwa amasezerano y’imyaka itanu, ashobora kuvugururwa rimwe. Abakozi 30 bari bamaze imyaka icumi bakorera uyu muryango bagiye gusezererwa mu kazi basubire mu bihugu byabo mu mpera z’uku kwezi.

Hari impungenge ko ibikorwa byo kubasimbura bishobora gutera icyuho mu muryango kuko bizatinzwa n’iperereza rizakorwa ryemejwe n’inama y’abaminisitiri ba EAC.

Ubunyamabanga bwa EAC bumaze iminsi buvugwamo ibibazo birimo imitangire y’amasoko y’ubwishingizi no kwirukana abakozi mu buryo butemewe.

Hari abaherutse gutanga ikirego mu rukiko rw’Umuryango wa Afurika y’Iburasirazuba (EACJ), ni abakorana n’Umuryango w’Afurika Yunze Ubumwe mu mahoro n’umutekano (African Peace and Security Architecture Project, APSA).

Kuwa 17 Kamena 2016, Umunyamabanga mukuru wa EAC, Dr Libérat Mfumukeko, yabandikiye abamenyesha ko amasezerano yabo y’akazi yarangiye ndetse abaha amezi atatu gusa ngo babe bahagaritse imirimo yabo kubera inkunga bagenerwaga n’umuryango w’Ibihugu by’u Burayo yahagaritswe.

 

Comments

 
 
USA: Hillary Clinton yibasiye  Trump mu ijambo rye rya mbere nyuma y’amatora
USA: Hillary Clinton yibasiye Trump mu ijambo rye rya mbere nyuma y’amatora

Mu ijambo rya mbere yavugiye mu ruhame nyuma yo gutsindwa amatora, Hillary Clinton yibasiye ubuyobozi bwa Perezida wa Leta Zunze Ubumwe za Amerika , Donald Trump. Yavuye imuzingo gahunda za (...)

USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.