Advertisement
 
 
 
 
 
 
 
 

Politiki | Mu Mahanga

Umuhungu wa Perezida Museveni yikomye abahwihwisa ko azasimbura se   

  Yanditswe na HERVE UGIRUMUKUNDA
 May 2016

 
 

Umukuru w’Ingabo Kabuhariwe (Special Forces) za Uganda akaba n’umuhungu wa Perezida Museveni, Maj. Gen Muhoozi Kainerugaba, yikomye abakomeje kuvuga ko ateganya kuzayobora icyo gihugu mu gihe se avuye ku butegetsi.

Muhoozi, uherutse kuzamurirwa ipeti, ubwo yaganiraga n’itangazamakuru ku gicamunsi cy’ejo hashize, yavuze ko yishimiye kuba ari umusirikare ariko yamaganira kure iby’umushinga wo kujya ku butegetsi “Umushinga wa Muhoozi” nk’uko bamwe bawita.

Chimpreports ivuga ko uyu mugabo w’imyaka 42 avuga ko ayo makuru ari ibihuha bidafite ishingiro.

Ati”Uwo mushinga ntabwo ubaho, nishimiye kuba mu gisirikare, mu gihe nzaba nshaka kujya muri politiki, nzi uko nzabigenza.”

JPEG - 127.3 kb
Gen. Muhoozi

Abatavuga rumwe na Leta ya Museveni bakunze kumushinja gushaka kwikubira ubutegetsi mu gihe kizaza binyuze mu muhungu we, Muhoozi. Ibi Museveni yabiteye utwatsi avuga ko hari inzira zizwi ushaka kuyobora Uganda anyuramo kugira ngo yemererwe kwiyamamaza.

Muri iyi minsi, ubwo Muhoozi yazamurwaga ku ipeti rya Major General avuye ku rya Brigadier General benshi batangiye kuvuga ko ari ‘gutumbagizwa mu mapeti” kandi ko hari ikibyihishe inyuma.

Uyu mujenerali watorejwe mu bihugu bitandukanye birimo Afurika y’Epfo na Misiri yemeza ko yazamuwe mu ntera hashingiwe ku bikorwa bye.

Ati” Sindi mu bafata umwanzuro wo kutuzamura ariko icyo nzi ni uko hazamurwa ababikwiriye.”

Yananyomoje abavuga ko Umutwe w’Ingabo Kabuhariwe ayoboye usa n’utagengwa n’igisirikare cya Uganda (UPDF).

Ati”ibikorwa byose dukora biyobowe na UPDF, ni nayo iduha amategeko.”

 

Comments

 
 
USA: Hillary Clinton yibasiye  Trump mu ijambo rye rya mbere nyuma y’amatora
USA: Hillary Clinton yibasiye Trump mu ijambo rye rya mbere nyuma y’amatora

Mu ijambo rya mbere yavugiye mu ruhame nyuma yo gutsindwa amatora, Hillary Clinton yibasiye ubuyobozi bwa Perezida wa Leta Zunze Ubumwe za Amerika , Donald Trump. Yavuye imuzingo gahunda za (...)

USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.