Advertisement
 
 
 
 
 
 
 
 

Politiki | Mu Mahanga

Uganda igiye gucyura ingabo zayo zose ziri mu butumwa bw’amahoro   

  Yanditswe na IMVAHO NSHYA
 May 2016

 
 

Igisirikare cya Uganda (UPDF) cyafashe umwanzuro wo kuvana ingabo zose mu butumwa bw’amahoro muri Somalia na Centrafrique.

Umugaba mukuru w’ikirenga w’ingabo za Uganda, Yoweri Museveni yategetse abayobozi b’igisirikare gutegura icyurwa ry’ingabo ziri muri Somalia (AMISOM) na Centrafrique (MINUSCA) mu nama nkuru y’ingabo yabaye ku wa 22 Mata nk’uko Chimpreports ibitangaza.

Umwe basirikare bakuru yabwiye icyo kinyamakuru ati “Tugiye kuvana ingabo muri Somalia na Centrafrique. Ubuyobozi bukuru bwatanze amategeko yo gucyura ingabo zacu mu byiciro.”

JPEG - 65.5 kb
Inama nkuru y’igisirikare cya Uganda

Gutahuka kw’ingabo za Uganda bishobora guteza ibibazo umutekano w’akarere. Kuri ubu Uganda ifite ingabo 6000 mu butumwa bw’amahoro bw’Umuryango w’Ubumwe bwa Afurika muri Somalia (AMISOM).

Somalia ishobora gusubira mu mvururu mu gihe ingabo za Uganda ziyivuyemo cyane ko ari nazo zari zifashe runini mu rugamba rwo kurwanya umutwe wa Al-Shabab.

Bivugwa ko Uganda yanzuye kuvana ingabo muri Somalia nyuma yo kubona ko zagabanyirijwe imishahara.

Umuryango w’ubumwe bw’u Burayi ari nawo wishyura ingabo za AMISOM uherutse kuvuga ko uzagabanya 20% ku mafaranga watangaga.

Naho muri Centrafrique , ingabo za Uganda zari zishishikajwe cyane no guhiga inyeshyamba zo mu mutwe wa LRA zari ziyobowe na Joseph Kony kandi kuri ubu uwo mutwe watakajae ingufu cyane.

Hari kandi n’abavuga ko Museveni yafashe uwo mwanzuro nko guhima Loni n’ibihugu bikomeye byagaragaje ko bitamushyigikiye nyuma yo gutererwa kuyobora manda ya gatanu.

 

Comments

 
 
USA: Hillary Clinton yibasiye  Trump mu ijambo rye rya mbere nyuma y’amatora
USA: Hillary Clinton yibasiye Trump mu ijambo rye rya mbere nyuma y’amatora

Mu ijambo rya mbere yavugiye mu ruhame nyuma yo gutsindwa amatora, Hillary Clinton yibasiye ubuyobozi bwa Perezida wa Leta Zunze Ubumwe za Amerika , Donald Trump. Yavuye imuzingo gahunda za (...)

USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.