Advertisement
 
 
 
 
 
 
 
 

Politiki | Mu Mahanga

U Burusiya bwerekanye ingufu zabwo mu myitozo ihambaye ya gisirikare (Amafoto)   

  Yanditswe na IMVAHO NSHYA
 September 2016

 
 

Ingabo z’u Burusiya zisaga ibihumbi 12 000 ziherutse kugaragara mu myitozo ya gisirikare yerekana ko icyo gihugu gifite ingufu zihambaye.

Iyo myitozo yabaye ku wa gatanu w’icyumweru gishize, yari igizwe n’indege z’intambara zisuka ibisasu ku butaka, ibisasu bya misile, amato, imikino ya gisirikare isura intambara, ibifaru n’izindi ntwaro.

Ni yo yambere ikomeye yabereye mu gace ka Crimea u Burusiya buherutse kwigarurira bukambuye Ukraine.

Yari irimo ingabo 12 500, amato y’intambara yari mu Nyanja y’Umukara ari naho ibisasu byinshi byagwaga.

U Burusiya bwerekanye imbunda zirasa misile zo mu bwoko bwa S-300 na S-400. Abaparakomando bamanukaga benshi mu mitaka ari nako abo hasi barasa ikibatsi cy’umuriro.

Umuvugizi wa Minisiteri y’Ingabo y’u Burusiya, Igor Konashenkov, yabwiye itangazamakuru ko ari bwo imyitozo yo kuri urwo rwego ibaye.

Ati” Imyitozo ikomeye yahuriyemo ingabo zo mu byiciro bitandukanye nibwo ibaye tuyikoze bwa mbere.”

Iyi myitozo kandi yitabiriwe na Minisitiri w’Ingabo Sergei Shoigu, umugaba w’ingabo Valery Gerasimov n’umukuru w’agace ka Crimea, Sergei Aksyonov.

Daily Mail ivuga ko yashushanyaga uko ingabo z’u Burusiya zatabara mu gihe Crimea yatewe n’umwanzi ukomeye.

U Burusiya buvuga ko idafite aho ihuriye n’ubushyamirane bwa politiki bumaze iminsi myinshi bivugwa hagati yabwo n’u Burayi na USA.

 

Comments

 
 
USA: Hillary Clinton yibasiye  Trump mu ijambo rye rya mbere nyuma y’amatora
USA: Hillary Clinton yibasiye Trump mu ijambo rye rya mbere nyuma y’amatora

Mu ijambo rya mbere yavugiye mu ruhame nyuma yo gutsindwa amatora, Hillary Clinton yibasiye ubuyobozi bwa Perezida wa Leta Zunze Ubumwe za Amerika , Donald Trump. Yavuye imuzingo gahunda za (...)

USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.