Advertisement
 
 
 
 
 
 
 
 

Politiki | Mu Mahanga

U Burusiya, ngo intambara ya kirimbuzi iri hafi, burigisha abaturage uko bazayitwaramo   

  Yanditswe na IMVAHO NSHYA
 5 months ago

 
 

Leta y’u Burusiya yatangiye guha abaturage bayo imyitozo yo kwirinda mu gihe cy’intambara y’ibisasu bya kirimbuzi n’uburozi ishobora kuvuka hagati y’icyo gihugu n’u Burayi na Amerika.

Ni mu gihe hari urunturuntu hagati muri politiki mpuzamahanga rushingiye ku myitwarire y’u Burusiya mu ntambara ya Syria.

Televiziyo y’igisirikare cy’u Burusiya, Zvezda TV , mu cyumweru gishize yaratangaje iti “Abarwayi bo mu mutwe bo muri Amerika bari gutyaza ibitwaro bya kirimbuzi byo gutera igihugu cyacu.”

JPEG - 64 kb
Topol M ni Misile ishobora kurasa ku yindi mugabane, ni imwe mu ntwaro zikomeye z’u Burusiya

Imyitozo yateguwe na Minisiteri y’ingabo y’u Burusiya igamije guhangana n’ingaruka zituruka ku biza zituruka kuri ibyo bisasu (EMERCOM), izatangwa n’abantu 200 000

Iyi minisiteri yagize iti “ Iyi myitozo izigisha kwirinda guhumanywa n’ibyuka cyangwa uburozi, no kwirwanaho mu gihe cy’amage. Tuzitoza no kurinda ahantu ko hafatwa n’inkongi, ingo z’abaturage, ibigo bya leta n’inyubako.”

Umubano w’u Burusiya n’ibihugu byo mu Burengerazuba bw’Isi ukomeje gusubira irudubi nyuma y’uko Perezida Vladimir Putin atesheje agaciro amasezerano yo gusenya ibisasu byo mu bwoko bwa plutonium.

BBC ivuga ko muri ayo masezerano ibihugu byombi byagombaga gusenya toni 34 z’ibyo bisasu, bigatwikwa.

U Burusiya kandi buteganya kubaka indake munsi y’umujyi wa Moscow, zizaba zishobora kurinda 100 ku ijana abatuye uwo mujyi mu gihe cy’intambara y’ibisasu bya kirimbuzi.

Iki gihugu kirimo kuvugurura intwaro zacyo, cyongeramo izishobora kurasa ku wundi mugabane n’amato agenda munsi y’amazi. Ibi byose u Burusiya bubikora bushaka guhiga ingufu za gisirikare na Leta Zunze Ubumwe za Amerika.

 

Comments

 
 
USA: Hillary Clinton yibasiye  Trump mu ijambo rye rya mbere nyuma y’amatora
USA: Hillary Clinton yibasiye Trump mu ijambo rye rya mbere nyuma y’amatora

Mu ijambo rya mbere yavugiye mu ruhame nyuma yo gutsindwa amatora, Hillary Clinton yibasiye ubuyobozi bwa Perezida wa Leta Zunze Ubumwe za Amerika , Donald Trump. Yavuye imuzingo gahunda za (...)

USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.