2017-05-26 15:17:06 clouds 27o High | Kigali Rwanda

Dukurikire:
 
 

Tanzania: U Rwanda, USA n’ibindi bihugu 7 mu myitozo ya gisirikare

Yanditswe na IMVAHO NSHYA

Kuya 2016-07-12 11:37:34

 
Share on:
 
Yasuwe:7
 
Yavuzweho:200
 
10
 
10

Ingabo z’u Rwanda n’iz’ibindi bihugu umunani zatangiye imyitozo y’ibyumweru bibiri, igamije gutyaza ubumenyi n’ubunyamwuga buzafasha guhangana n’imbogamizi zitandukanye ziba ku rugamba.

Iyo myitozo yiswe “Command Post Eastern Accord Exercise 16” yatangiye ku wa Mbere mu kigo cy’ingabo za Tanzaniya kiri ahitwa Kunduchi mu mujyi wa Dar es Salaam.

Minisitiri w’Ingabo wa Tanzania, Dr Hussein Mwinyi, watangije iyo myitozo yashimiye Leta Zunze Ubumwe za Amerika n’igisirikare cyayo kuba baragize uruhare rukomeye muri iyo myitozo izigisha ingabo tekiniki nshyashya zo kurwana.

JPEG - 140.2 kb
Brig. Gen. Jon Jensen, Umunyamerika uyoboye iyo myitozo yahaye ikaze abasirikare bayitabiriy

Daily News (Tz) ivuga ko Dr Mwinyi yibukije abasirikare ko kuri ubu Isi yugarijwe n’ibibazo bitandukanye bisaba ingufu za gisirikare, birimo iterabwoba, ubushimusi, n’ubucuruzi bw’abantu.

Ati” Nk’igihugu cyakiriye iyi myitozo, dushimiye igisirikare cya USA cyashoboye guhuza ibihugu icyenda . Abasirikira bayitabiriye bazunguka ubumenyi bwo kurwanya imbogamizi zugarije Isi muri iki gihe.”

JPEG - 144.7 kb
Iyo myitozo izamara ibyumeru bibiri

Umugaba w’Ingabo za Tanzania, Brig. Gen. Yohana Mabongo yavuze ko iyo myitozo yitabiriwe n’u Rwanda, Uganda, Tanzania, Ethiopia, Djibouti, USA, u Bwongereza, u Busuwisi, n’u Budage.

JPEG - 97 kb
Brig. gen. Mabongo uyoboye ingabo za Tanzania mu muhango wo gutangiza iyo myitozo

Yongeyeho ko imyitozo yanahuje imiryango itatu irimo uw’Ubumwe bwa Afurika (AU), Ishami ry’Umuryango w’Abibumbye ryita ku mpunzi (UNHCR) na Croix Rouge.

Brig. Gen. Mabongo avuga ko ingabo ziri muri iyo myitozo zizungurana ubumenyi, zikigishwa gutabara aho rukomeye ku gihe no kwitwara neza mu butumwa bw’amahoro.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE