2017-07-28 06:05:39 clouds 27o High | Kigali Rwanda

Dukurikire:
 
 

Tanzania: Perezida Magufuli yirukanye abakozi ba baringa 10 000

Yanditswe na IMVAHO NSHYA

Kuya 2016-05-17 06:13:56

 
Share on:
 
Yasuwe:5
 
Yavuzweho:200
 
10
 
10

Leta ya Tanzania yirukanye abakozi 10 000 bahembwaga badakora muri gahunda yihaye yo guhangana na ruswa mu nzego za Leta.

Ibiro bya Minisitiri w’Intebe wa Tanzania bivuga ko abo bakozi ba baringa bahembwaga amafaranga asaga miliyoni ebyiri z’amadorali mu kwezi kumwe.

Ubuyobozi bwa Tanzania buvuga ko bakomeje igenzura mu rutonde rw’imishahara y’abakozi ba Leta ku buryo hari n’abandi bashobora kuvumburwa ko bahemberwa ubusa.

JPEG - 37.5 kb
Magufuli yiyemeje guhangana n’abasesagura umutungo wa Leta

Perezida John Pombe Magufuli yatowe mu Ukwakira 2015 ahita yiyemeza guca burundu umuco wo gusesagura imari ya Leta.

BBC ivuga ko muri Werurwe 2016 ari bwo yategetse ko habaho igenzura ku bakozi bahemberwa ubusa, maze amafaranga bahembwaga agakoreshwa mu bikorwa by’iterambere.

Kuva Perezida Magufuli yajya ku butegetsi yafashe ingamba zidasanzwe zirimo kuvanaho ibirori by’ubwigenge akabisimbuza ibikorwa by’isuku.

Leta ya Tanzania ikoresha miliyoni 260 z’amadorali buri kwezi ihemba abakozi 550 000. Icyegeranyo cya Transparency International kuri ruswa cyashyize icyo gihugu ku mwanya wa 117 mu bihugu 167.

Muri Gashyantare 2016, Leta ya Nigeria nayo yirukanye abakozi 24 00 ba baring nyuma y’igenzura, ni nyuma y’uko na Kenya yirukanye 12 000 imaze gukora igenzura ry’ikoranabuhanga.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE