Advertisement
 
 
 
 
 
 
 
 

Politiki | Mu Mahanga

Sudani y’Epfo: Riek Machar n’ingabo ze bongeye kuva mu murwa mukuru   

  Yanditswe na HERVE UGIRUMUKUNDA
 July 2016

 
 

Visi-Perezida wa Sudani y’Epfo, Riek Machar n’ingabo ze bavuye mu murwa mukuru wa Juba ariko bavuga ko batari kwitegura intambara.

Ni nyuma y’imirwano ikaze yabereye muri uwo mujyi yamaze iminsi itanu ihanganishije ingabo ze n’iza Perezida Salva Kiir igahitana ababarirwa muri 272.

Ku wa mbere abo bayobozi bombi batangaje agahenge , James Gatdet Dak umuvugizi wa Riek Machar, yabwiye Reuters ko bavuye muri Juba kugira ngo birinde kongera kurwana.

Ati” Twagombaga kuva ku birindiro byacu biri muri Juba kugira ngo twirinde kongera kurwana, Machar ari hafi y’umurwa mukuru, sinavuga aho ari ho.”

JPEG - 93.4 kb
Ingabo za Riek Machar zivuga ko zasohotse mu mujyi wa Juba zirinda imirwano

Icyateje imirwano yo mu cyumweru gishize ntikiramenyekana, bivugwa ko yatangiye ku wa Kane ubwo ingabo za Kiir zahagaritse imodoka z’ingabo za Machar ngo zizisake.

Umuvugizi wa Machar avuga ko baraguma hanze ya Juba kugeza ubwo ibizagenderwaho mu gushyiraho agahenge bigiye mu mucyo.

Ati” Ntabwo yasubiye mu ishyamba nta n’ubwo ari gutegura intambara.

Ingabo za Machar kandi zisaba ko hajyaho igisirikare gihuriweho n’impande zombi, n’igipolisi kivanze cyo kurinda umujyi wa Juba. Ibyo byose biri mu masezerano y’amahoro ariko ntibirashyirwa mu bikorwa.

JPEG - 151.3 kb
Abaturage benshi bongeye guhunga

Umuvugizi wa Perezida Kiir, Ateny Wek Ateny, ati” Ni cyo gihe cya dipolomasi cyo kugerageza gusubizaho guverinoma y’ubumwe.”

Kuva Sudani y’Epfo yakwiyomora kuri Sudani, Riek na Kiir ntibigeze bumvikana na gato. Intambara yatangiye mu Kuboza kwa 2013 ubwo Perezida Kiir yirukanaga Riek Machar wari umwungirije. Uyu yahise ava muri Juba n’ingabo ze atangira intambara.

 

Comments

 
 
USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Somalia: Abadepite batoreye Perezida mushya ‘Farmajo’mu bubiko bw’indege
Somalia: Abadepite batoreye Perezida mushya ‘Farmajo’mu bubiko bw’indege

Abagize inteko ishinga amategeko ya Somalia batoreye Mohamed Abdullahi Farmajo kuba Perezida wa Somalia ku wa Gatatu ku ya 8 Gashyantare 2017. Ni amatora yabereye mu bubiko bw’indege bw’ikibuga (...)

Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.