Advertisement
 
 
 
 
 
 
 
 

Politiki | Mu Mahanga

Sudani y’Epfo: Perezida Kiir yirukanye Minisitiri w’Ububanyi n’Amahanga   

  Yanditswe na HERVE UGIRUMUKUNDA
 March 2016

 
 

Perezida wa Sudani y’Epfo, Salva Kiir, ku wa Gatatu yirukanye Minisitiri w’Ububanyi n’Amahanga, Barnaba Marial Benjamin .

Minisitiri Bernaba yari amaze imyaka itatu kuri uwo mwanya. Mu itangazo ryasomewe kuri televiziyo y’icyo gihugu, Perezida Kiir ntiyatanze impamvu amwirukanye n’uzamusimbura.

Ijwi rya Amerika rivuga ko yirukanwe nyuma y’iminsi asabwa kwegura kubera amagambo yavuze ko agace gakungahaye kuri peteroli ka Abyei atari aka Sudani y’Epfo.

JPEG - 35.7 kb
Minisitiri Marial yirukanwe

Nyuma yo kwirukanwa, Marial yagize ati” Perezida Salva yamvanye ku mirimo yanjye nka minisitiri w’ububanyi n’amahanga n’ubufatanye wa Repubulika ya Sudani y’Epfo. Mushimiye icyizere yari yarangiriye muri iyi myaka itatu ishize.”

Yahakanye ko yirukaniwe kuvuga ko agace ka Abyei atari aka Sudani y’Epfo.
Abyei ni agace kari hagati ya Sudani y’Epfo na Sudani ariko abaturage bako bo mu bwoko bwa Ngok Dinka batoye kwiyunga kuri Sudani y’Epfo.

Marial yavuze ko abaturage bo muri ako gace aribo bafite ububasha bwose bwo guhitamo igihugu cyabo hagati ya Sudani y’Epfo na Sudani, binyuze muri kamarampaka.

Nubwo mu 2013 abo mu bwoko bwa Ngok Dinka bavuze ko bashaka kwiyunga kuri Sudani y’Epfo, ibyavuye mu matora yabo ntibyemewe na Leta z’ibyo bihugu byombi.
Abayobozi b’ubundi bwoko bwo mu gace ka Abyei bwitwa Misseriya ntibigeze bitabira ayo matora, bavuga ko icyo kibazo kizakemurwa na kamarampaka.

 

Comments

 
 
USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Somalia: Abadepite batoreye Perezida mushya ‘Farmajo’mu bubiko bw’indege
Somalia: Abadepite batoreye Perezida mushya ‘Farmajo’mu bubiko bw’indege

Abagize inteko ishinga amategeko ya Somalia batoreye Mohamed Abdullahi Farmajo kuba Perezida wa Somalia ku wa Gatatu ku ya 8 Gashyantare 2017. Ni amatora yabereye mu bubiko bw’indege bw’ikibuga (...)

Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.