2017-05-25 06:02:25 clouds 27o High | Kigali Rwanda

Dukurikire:
 
 

Sudani y’Epfo: Abaminisitiri bo ku ruhande rwa Riek Machar birukanwe

Yanditswe na IMVAHO NSHYA

Kuya 2016-08-03 09:09:45

 
Share on:
 
Yasuwe:5
 
Yavuzweho:200
 
10
 
10

Abaminisitiri barimo uw’Amazi n’Umutungo Kamere , Mabior Garang, umuhungu wa John Garang ufatwa nk’uwashinze Sudani y’Epfo birukanwe muri guverinoma y’icyo gihugu.

Ni mu nkundura perezida Kiir yo kwirukana abaminisitiri bo ku ruhande rutavuga rumwe nawe ruyobowe na Riek Machar.

Abandi baminisitiri birukanwe ni Alfred Lado Gore, w’umutekano w’imbere, Dak Duop w’ibikomoka kuri Peteroli, Peter Adwok ushinzwe uburezi bw’amashuri yisumbuye, Peter Marcello w’Umurimo na Mary Lodira w’Ubutaka n’Imiturire.

JPEG - 99.5 kb
Mabior umuhungu wa John Garang yirukanwe muri guverinoma

Abanyamabanga ba Leta birukanwe barimo Duop Lam w’Umutekano na Elizabeth Achuei w’Umurimo nk’uko Chimpreports ibitangaza.Uretse abaminisitiri kandi hanirukanwe abadepite batavuga rumwe na Leta 10.

Kwirukanwa kw’aba baminisitiri ni ikimenyetso gikomeye cy’uko amasezerano y’amahoro yari yashyizweho umukono na Perezida Kiir na Dr. Riek Machar asa n’ayatesheje agaciro burundu.

Abaminisitiri birukanwe bose bari batanzwe na Riek Machar mu gushyiraho guverinoma y’Inzibacyuho, yari guherwaho mu kugarura amahoro muri Sudani y’Epfo.

Hataratera kabiri, igihugu cyasubiye mu mvururu muri Nyakanga ubwo ingabo za Leta ya Salva Kiir zasakiranaga n’iza Machar hagapfa abakabakaba 300.

Kuva icyo gihe abantu 60 000 bamaze guhunga naho kuva mu 2013, abaturage bamaze guhunga barabarirwa mu bihumbi 900 000.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE