2017-07-22 13:49:51 clouds 27o High | Kigali Rwanda

Dukurikire:
 
 

Robert Mugabe yise Abaperezida bo muri Afurika ibigwari

Yanditswe na IMVAHO NSHYA

Kuya 2016-09-26 11:29:41

 
Share on:
 
Yasuwe:3
 
Yavuzweho:200
 
10
 
10

Perezida wa Zimbabwe, Robert Mugabe yavuze ko abaperezida ba Afurika hafi ya bose ari ibigwari bitagira icyerekezo ndetse ko uyu mugabane ushobora kuva muri Loni.

Mu ijambo yagejeje ku nteko rusange ya Loni, yavuze ko abaperezida bagenzi be batamufasha mu rugamba rwo gushaka ko Umuryango w’Abibumbye uvugururwa n’ibihugu byo ku mugabane wa Afurika bigahabwa ijambo rikwiye.

Yongeyeho Loni nitavugururwa Afurika n’ibihugu nk’u Burusiya, u Bushinwa n’u Buhinde bizayivamo.

Ati ariko “Sinzi niba hari icyo tuzageraho, ibindi bihugu ni ibigwari. Afurika kuri ubu iyobowe n’abaperezida bashya batari mu bashinze Umuryango w’Ubumwe bwa Afurika. Kuri ubu iyobowe n’ibigwari bitagira icyerekezo… Ntabwo ari Mugabe wenyine uzakomeza gusaba ko Loni ivugururwa.”

Mugabe yashinje Leta Zunze Ubumwe za Amerika, u Bufaransa n’u Bwongereza kwitambika ivugurura muri Loni.

Yongeyeho ko Afurika yitabiriye Inama Rusange ya Loni y’uyu mwaka imaze gushyiraho komite yo kotsa igitutu ibihugu by’ibihangange bikemera ko habaho ivugurura, maze ibihugu bihoraho mu Kanama k’Umutekano ntibibe ari byo bivuga rikijyana gusa.

Mu nama rusange ya Loni kandi , abarwanya Mugabe bahuriye mu myigaragambyo bayobowe n’umupasiteri witwa Mawalire.

Ubwo yageraga muri Zimbabwe, Mugabe yavuze ko abigaragambije bari batumwe n’ibihugu byo mu Burayi na Amerika.

Yongeyeho ko abamurwanya baje kwigaragambya barimo n’umuririmbyi witwa Thomas Mapfumo bateye isoni n’ikimwaro.

Ati”Niba hari ikintu nabonye giteye isoni n’ikimwaro ni iyo myigaragambyo.”

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE