Advertisement
 
 
 
 
 
 
 
 

Politiki | Mu Mahanga

Perezida wa Tchad na AU, Idriss Deby yatangaje ko ashyigikiye Pierre Nkurunziza   

  Yanditswe na IMVAHO NSHYA
 5 months ago

 
 

Perezida wa Tchad akaba n’uw’Umuryango w’Ubumwe bwa Afurika, Idriss Deby yatangaje ko ashyigikiye kuba mugenzi we w’u Burundi, Pierre Nkurunziza yariyamamarije manda ya gatatu.

Uyu mugabo yabwiye Deutsche Welle ko imvururu zavutse muri icyo gihugu zatewe n’ukwivanga kw’amahanga kandi ko manda ya gatatu ya Nkurunziza yemewe n’itegeko nshinga ry’u Burundi.

Ati “Itegeko nshinga rivuga ko umukuru w’u Burundi yemerewe kuyobora manda ebyiri yatowe n’abaturage, kuri manda ya mbere, Nkurunziza ntiyatowe n’abaturage yashyizweho. Bamwe bavuga ko yayoboye manda ebyiri ariko mu by’ukuri ni imwe. U Burayi na Leta Zunze Ubumwe za Amerika byabitije umurindi bituma havuka imvururu. Iyo ibyo bitaba amatora yari kuba mu mahoro.”

Idriss Deby yavuze ko AU yashyizeho komite igamije kunga Abarundi no kubumvisha ko ari bo ubwabo bazikemurira ibibazo.

Abakurikiranira hafi basanga Deby abogamira kuri Nkurunziza

Aya magambo ya Idriss Deby yababaje benshi bazi ukuntu imvururu zavutse mu Burundi, zatangiye, aho polisi n’igisirikare byishe benshi bigaragambyaga mu mahoro.

Banavuga kandi ko Idriss yirengagiza nkana kuba abatavuga rumwe na Leta ya Nkurunziza barakomeje kwicwa uruhondogo, buri munsi hakaboneka imirambo mu mihanda.

Abandi nabo babwira Idriss ko atazi Nkurunziza n’umutima we wo kugundira ubutegetsi, bati “Tegereza urebe mu 2020 narekura ubutegetsi uzaduhe imbwa tuyirye,”

 

Comments

 
 
USA: Hillary Clinton yibasiye  Trump mu ijambo rye rya mbere nyuma y’amatora
USA: Hillary Clinton yibasiye Trump mu ijambo rye rya mbere nyuma y’amatora

Mu ijambo rya mbere yavugiye mu ruhame nyuma yo gutsindwa amatora, Hillary Clinton yibasiye ubuyobozi bwa Perezida wa Leta Zunze Ubumwe za Amerika , Donald Trump. Yavuye imuzingo gahunda za (...)

USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.