Advertisement
 
 
 
 
 
 
 
 

Politiki | Mu Mahanga

Perezida wa ICC arashinjwa kwakira ruswa ngo ate muri yombi Bashir   

  Yanditswe na HERVE UGIRUMUKUNDA
 July 2016

 
 

Perezida w’Urukiko Mpuzamahanga Mpanabyaha (ICC), Silvia Alejandra Fernández de Gurmendi, arasabwa kwegura nyuma yo kuvugwaho kwakira amamiliyoni y’amadorali ya ruswa ngo ate muri yombi perezida wa Sudani, Omar al Bashir.

Ikinyamakuru The London Evening Post kivuga ko hagati ya 2004 na 2015, uwo mucamanza ukomoka muri Argentina, yakiriye amadorali miliyoni 17 muri konti afite muri Banco Popular yo muri Virgin Islands.

Ayo mafaranga kandi yanyukijwe muri First Caribbean Bank na B’nai Israel. Yose yahabwaga umucamanza de Gurmendi ngo ahimbire perezida Bashir ibinyoma atabwe muri yombi.

Bivugwa ko perezida wa ICC yahawe ruswa mu gihe urwo rukiko rwari rugikora iperereza kuri Bashir ariko hataraboneka ibimenyetso bimushinja.

Umucamanza de Gurmendi ngo yahise asaranganya ayo mafaranga ku mitwe itandukanye yo muri Darfur, irimo Sudan Liberarion Movement kugira ngo itoranye abatangabuhamya n’ibimenyetso bihimbano byo gushinja perezida Bashir ubwicanyi.

JPEG - 104.9 kb
Perezida wa ICC (ibumoso) na Perezida wa Sudan Omar al Bashir

Perezida wa ICC yasabwe kwegura

Umuyobozi wa Pan African Forum, Ihuriro riharanira ukishyira ukizana kwa Afurika, Dr David Nyekorach Matsanga, yasabye umucamanza de Gurmendi kwegura. Yasobanuye ko kuba umuntu ufite inshingano zikomeye zo kuyobora ICC yakira ruswa atari ibyo kwihanganira.

Yongeyeho ko niyegura bizatuma habaho iperereza rifatika ku kuba yarakiriye akayabo k’amafaranga adafite aho aturuka hasobanutse kuva muri 2004 ubwo Perezida Bashir yashinjwaga ibyaha byibasiye inyokomuntu.

Matsanga yunze mu rya Minisitiri w’Ububanyi n’Amahanga w’u Rwanda uherutse gutangaza ko ICC ari urukiko rukora mu nyungu za politiki.

Ati” Twari tuzi ko ICC yashyiriweho gufata abanyagitugu bo ku Isi, ariko ibereyeho guhiga abo ibihugu bikomeye bidashaka.”

Mu kiganiro n’abanyamakuru cyabaye mu gitondo cyo kuri uyu wa 14 Nyakanga 2016, Minisitiri w’ububanyi n’amahanga Louise Mushikiwabo yasobanuye impamvu u Rwanda rutazata muri yombi, Perezida Omar Bashir uri mu Rwanda mu nama ya 27 y’Umuryango w’Ubumwe bwa Afurika, AU.

Mushikiwabo yasobanuye ko Bashir ari umukuru w’igihugu cya Afurika kiri muri AU, akaba agomba gufatwa kimwe n’abandi igihe ari mu Rwanda.

Ati “U Rwanda, nk’igihugu kigize AU twubahiriza ibyemezo byose bifatwa nayo. Uyu muryango wacu wasabye akanama gashinzwe umutekano k’Umuryango w’Abibumbye ko abakuru b’ibihugu igihe bari mu kazi batorewe n’abaturage babo, bafite ibyaha baregwa, bagomba guhabwa ubudahangarwa kugeza igihe baviriye mu mirimo.”

 

Comments

 
 
USA: Hillary Clinton yibasiye  Trump mu ijambo rye rya mbere nyuma y’amatora
USA: Hillary Clinton yibasiye Trump mu ijambo rye rya mbere nyuma y’amatora

Mu ijambo rya mbere yavugiye mu ruhame nyuma yo gutsindwa amatora, Hillary Clinton yibasiye ubuyobozi bwa Perezida wa Leta Zunze Ubumwe za Amerika , Donald Trump. Yavuye imuzingo gahunda za (...)

USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.