2017-11-18 15:01:27 clouds 27o High | Kigali Rwanda

Dukurikire:
 
 

Perezida Trump yahase ibibazo Putin ku kwivanga k’ u Burusiya mu matora ya USA

Yanditswe na IMVAHO NSHYA

Kuya 2017-07-10 07:04:16

 
Share on:
 
Yasuwe:486
 
Yavuzweho:200
 
10
 
10

Perezida wa Leta Zunze Ubumwe za Amerika, Donald Trump, ku Cyumweru yatangaje ko yabajije Perezida w’u Burusiya Vladimir Putin ku makuru y’uko igihugu ayoboye cyaba cyarivanze mu matora yo mu mwaka ushize.

Trump yavuze ko mu biganiro bagiranye ku wa Gatanu ku ya 7 Nyakanga 2017, mu nama y’ibihugu 20 bikize ku Isi, yabajije Putin inshuro ebyiri zose kuri iyo ngingo, akabihakana yivuye inyuma.

Yongeyeho ko uguhakana kwa Putin gukwiye kugenderwaho maze Amerika igashyira hasi ibyo kureba ayingwe u Burusiya, igashaka uburyo yakorana neza nabwo.

JPEG - 35 kb
Ba Perezida Trump na Putin mu biganiro

Trump kandi yavuze ko yaganiriye na Putin ku buryo bazashyiraho agahenge mu ntambara iri kubera muri Syria ndetse bagafatanya guhangana ibitero byo kuri Internet nk’uko Associated Press ibitangaza.

Hahize iminsi inzego za Leta ya USA zikora iperereza ku buryo u Burusiya bwaba bwarakoranye n’abamamazaga Trump kugira ngo atsinde Hillary Clinton bari bahanganye mu matora.

Harakorwa iperereza kandi ku iyirukanwa rya James Comey,wahoze ayoboye FBI aho bareba niba Perezida Trump ataramwirukanye kugira ngo yitambike ubutabera, dore ko yari yaratangiye gukora iperereza ku ruhare rw’u Burusiya mu matora.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE