Advertisement
 
 
 
 
 
 
 
 

Politiki | Mu Mahanga

Perezida Museveni yategetse Leta kutongera gutumiza imyenda n’imodoka mu mahanga   

  Yanditswe na HERVE UGIRUMUKUNDA
 May 2016

 
 

Perezida wa Uganda Yoweri Kaguta Museveni yatangaje ko igihugu cye kigiye guca burundu ibitumizwa mu mahanga gitangiriye ku myenda n’ibindi bikoresho bikenerwa n’abakozi ba Leta.

Mu ijambo ngarukamwaka yagejeje ku banyagihugu kuri uyu wa Kabiri, Museveni yagaragaje ko atiyumvisha ingano y’amamiliyari y’amadorali Uganda itakaza itumiza ibintu mu mahanga kandi yo ntigire icyo yungukira mu kohereza ibicuruzwa mu mahanga.

Yabwiye abagize inteko ishingamategeko n’abandi bayobozi muri guverinoma ko gutumiza ibintu mu mahanga bigiye gucika mu minsi iri imbere.

Ati” Ntidushobora gukomeza kuba isoko ry’ibicuruzwa byo mu mahanga , ntabwo twaba turi igihugu. Tugomba kuba igihugu kikorera ibicuruzwa byacyo.”

JPEG - 155.1 kb
Perezida Museveni ageza ijambo ngarukamwaka ku banya Uganda

Museveni yasobanuye ko Uganda itakaza miliyari 5.5 z’amadorali itumiza imyenda, inkweto, imodoka za okaziyo, amatapi n’ibindi nk’uko Chimpreports ibitangaza.

Iki gihugu kinjiza miliyoni 600 mu bicuruzwa cyohereza mu Burayi, u Buhinde, Afurika y’Epfo, UAE n’u Bushinwa.

Museveni ati “Ibi ntibishoboka, ibigo bya Leta byose bizajya bihaha ibikoresho byakorewe mu gihugu; impuzankano z’igisirikare, polisi, serivizi za gereza, abashinzwe za parike, abaganga n’abandi bazajya bambara ibyakorewe iwacu. Inkweto za bote, ingofero, amakoti byose ntibizongera kuvanwa mu mahanga.”

Perezida wa Uganda yongeyeho ko ari kuganira n’abakuru b’ibihugu by’akarere ngo barebe uko bakubaka uruganda rukora imodoka, bityo ntihazagire uwongera kugura imodoka mu mahanga.

Ati”Twasanze kubaka uruganda ruteranya imodoka hano bihendutse ku kigero cya 25% kurusha gutumiza izateranyirijwe mu mahanga. Ibice by’imodoka biroroshye kubyikorera mu gihe imodoka yose ihenze kuyitwara kubera ubunini.”

Ibi byose ariko avuga ko bizakorwa mu byiciro kuko bikozwe hutihuti bitashoboka.

 

Comments

  • emma June 2016

    Jack uguye muri beat turajyana neza cyane aho.habayeho cooperation leta zibihugu zishyigiye uyu mugambi na za societe zikorera byashoboka cyane ntibyanatinda.Standard Gauge Railway project nirangira bazadutabare iyi Project nayo izakurikireho knd iri urgent.

  • Bigenimana Joseph June 2016

    Ibi nibyo cyane, ahubwo byanahoze ariko kuri ndamushyigikiye cyane ko anagaragaza ko ari process, ntabwo wahita ukora impementation yabyo utabanje kwitonda, gusa ningombwa ko Africa tugera kuri iyo phase.
    Urugero Ethiopia.

  • Jack May 2016

    Uko ni ko kuri kuko nubundi aba ba types ba zaburaya bazi ko umwirabura atatekereza mbali gusa nukubikorana ubwenge no gushyigikirana nkaba nyafurika si no muzarebe Lybia simbivuze nzabivumba Gusa imishinga nkiyi hari abayirwanya natwe tugasubiranamo, twashyize hamwe ntitwatera imbere.


 
 
USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Somalia: Abadepite batoreye Perezida mushya ‘Farmajo’mu bubiko bw’indege
Somalia: Abadepite batoreye Perezida mushya ‘Farmajo’mu bubiko bw’indege

Abagize inteko ishinga amategeko ya Somalia batoreye Mohamed Abdullahi Farmajo kuba Perezida wa Somalia ku wa Gatatu ku ya 8 Gashyantare 2017. Ni amatora yabereye mu bubiko bw’indege bw’ikibuga (...)

Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.