2017-05-24 10:43:15 clouds 27o High | Kigali Rwanda

Dukurikire:
 
 

Perezida Magufuli yashimiye Dr. Donald Kaberuka anamuha akazi

Yanditswe na IMVAHO NSHYA

Kuya 2016-08-20 05:47:19

 
Share on:
 
Yasuwe:8
 
Yavuzweho:200
 
10
 
10

Perezida wa Tanzania John Pombe Magufuli, yagiranye ibiganiro na Dr. Donald Kaberuka, wahoze ari umuyobozi wa Banki Nyafurika Itsura Amajyambere, AfDB, anamushinga kuyobora akanama kagenzura imikoranire y’icyo gihugu n’abafatanyabikorwa bacyo mu iterambere.

Magufuli avuga ko Tanzania izungukira cyane ku nama za Dr. Kaberuka mu iterambere ry’igihugu cye, cyane cyane izijyanye n’uko babyaza umusaruro umutungo kamere bafite.

Yamubwiye ati” Ni amahirwe akomeye kuri Tanzania, twizeye ko tuzungukira ku nama zawe muri gahunda zacu z’iterambere no ku buryo twabyaza umusaruro imitungo kamere myinshi dufite mu gihugu cyacu irimo amabuye y’agaciro, gazi, ubutaka, amatungo, ibyambu, ibiyaga na pariki z’igihugu.”

Daily News (Tz) inavuga ko Magufuli yashimiye Kaberuka ubufasha yahaye Tanzania ubwo yari akiyobora AfDB, kuko yafashije icyo gihugu kubona inkunga mu mishinga y’iterambere by’umwihariko kubaka imihanda.

Dr. Kaberuka nawe yashimiye Perezida Magufuli ko akimara gutorerwa kuyobora Tanzania yahise ashyira ingufu mu kuzamura ubukungu bw’igihugu, kurwanya ruswa no gukoresha umutungo w’igihugu cye agamije iterambere.

Kaberuka ayoboye akanama kashyizweho na Minisitiri w’Imari n’Igenamigambi wa Tanzania, Dr Phillip Mpango, kagamije gusuzuma imikoranire ya guverinoma y’icyo gihugu n’abaterankunga bacyo.

Mbere yo kuyobora AfDB, Kaberuka yabaye Minisitiri w”imari n’igenamigambi y’u Rwanda mu gihe cy’imyaka umunani, yize muri Kaminuza ya Dar es Salaam kimwe na Perezida Magufuli n’uwo yasimbuye Jakaya Kikwete.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE