2017-05-27 10:19:18 clouds 27o High | Kigali Rwanda

Dukurikire:
 
 

Perezida Kagame yahamije ko ubuhinzi bwa Afurika bukeneye ikoranabuhanga

Yanditswe na Claude Ntawitonda

Kuya 2016-09-07 19:28:56

 
Share on:
 
Yasuwe:1
 
Yavuzweho:200
 
10
 
10

Perezida Kagame yagarutse ku gaciro k’ikoranabuhanga mu buhinzi bukorwa n’Abanyafurika, ashimangira ko ridakwiye kwirengagizwa kuko urwego rwose ryifashishijwe rihindura byinshi.

Umukuru w’Igihugu yashimangiye uburyo ikoranabuhanga ari ingenzi cyane mu nama mpinduramatwara igamije ubuhinzi butangiza ibidukikije ku mugabane wa Afrika yabereye muri Kenya kuri uyu wa gatatu tariki ya 7 Nzeri 2016.

Iyi nama yahuje abakuru b’ibihugu, impuguke mu by’ubuhinzi n’ubukungu ndetse n’abashoramari bakomeye bakorera ku mugabane wa Afurika igamije kuganira ku buryo bwakoreshwa mu guteza imbere imishinga y’ubuhinzi n’uburyo imari ishorwamo yarindwa ibyonnyi.

Mu kiganiro cyatanzwe na Perezida Kagame afatanyije na Perezida Uhuru Kenyatta wa Kenya, hashimangiwe ko ubuhinzi bugomba gusigasirwa kuko bufashe ubukungu bwa Afurika.

JPEG - 70.6 kb
Perezida Paul Kagame na Uhuru Kenyatta batanze ikiganiro gikangurira Abanyafurika kuva mu magambo bagakora

Aha ni ho Perezida Kagame nk’umuyobozi w’intangarugero mu guteza imbere ikoranabuhanga muri Afurika yashimangiye ko ikoranabuhanga rikenewe cyane muri iyi mpinduramatwara ikenewe ngo ubuhinzi bw’Abanyafurika buhaze Afurika busagurire n’Isi yose.

Yagize ati “Ikoranabuhanga ni ngombwa kandi rirafasha iyo rikoreshejwe mu kunganira ikintu gifatika. Dukeneye kurega gusubiramo ibintu bimwe; reka dukomeze dukore ibikenewe ngo iyi mpinduramatwara igerweho.”

JPEG - 64.9 kb
Perezida Kagame yashimangiye ko ikoranabuhanga ari ingenzi cyane muri iyi mpinduramatwara

Perezida Kagame kandi yibukije abitabiriye inama ko igihe kigeze ngo imbwirwaruhame zigabanywe maze ibikorwa byongerwe kuko ari byo bizafasha kugera ku ntego itasiba gukoranye inzego zikomeye z’ibihugu bya Afurika.

Muri iyi nama kandi hagaragajwe ko abagore n’urubyiruko badakwiye guhezwa muri iyi mpinduramatwara cyane ko ari na bo bagize umubare munini w’abatuye muri Afurika.

Nyuma y’ikiganiro Perezida Kagame yitabiriye ibirori byo gutanga ibihembo ku ndashyikirwa mu guteza imbere ibiribwa nyafurika n’umuhango wo gusangira ku bitabiriye inama.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE