Advertisement
 
 
 
 
 
 
 
 

Politiki | Mu Mahanga

Netanyahu yavuye mu Rwanda asubije abashinja Isiraheli kwirukana impunzi   

  Yanditswe na IMVAHO NSHYA
 July 2016

 
 

Minisitiri w’Intebe wa Isiraheli, Benjamin Netanyahu, ubwo yari mu ruzinduko mu Rwanda yahakanye ibirego by’uko igihugu cye kirukana Abanyafurika bagishakamo ubuhungiro, kikabohereza mu Rwanda.

Imiryango itandukanye iharanira uburenganzira bwa muntu byakunze gushinja Isiraheli gufata nabi Abanyafurika bayishakamo ubuhungiro, biganjemo abaturuka muri Sudani na Eritrea, bagafungwa, bakicishwa inzara, ndetse bikavugwa ko icyo gihugu gifite umugambi wo kubohereza mu bindi bihugu bya Afurika birimo u Rwanda na Uganda.

Mu kiganiro n’itangazamakuru ari kumwe na Perezida Kagame ku wa Gatatu ku ya 6 Nyakanga 2016, Netanyahu yavuze ko abirukanwa muri Isiraheli ari abaza ‘gushaka amaramuko’, bakaba baje ‘gushaka ubuhungiro’.

Ati” Ntibaza gushaka ubuhungiro muri Isiraheli, baza gushaka akazi. Abashaka ubuhungiro ni ikindi kintu. Ni urubyiruko rwiganjemo ab’imyaka 23 na 25 bafite ingufu baza gukora muri Isiraheli.”

Yunzemo ati “Niba bashaka ubuhungiro bazabuhabwa, ariko niba bashaka akazi dufite uburyo buboneye bwo kwakira abantu muri Isiraheli.”

JPEG - 95 kb
Netanyahu na Kagame baganira n’itangazamakuru

Netanyahu yasobanuye ko nubwo bamwe bavuga ko bavuye iwabo bahunga ubutegetsi no gutotezwa, bakaza gushaka ubuhungiro muri Isiraheli, ashishoza agasanga bazanwa no gushaka amaramuko.

Mu mpera z’umwaka ushize, Raporo y’Ishyirahamwe mpuzamahanga rirengera uburenganzira bw’impunzi (IRRI), yavuze ko Isiraheli yagiranye amasezerano ya rwihishwa n’u Rwanda na Uganda ngo byakire abimukira birukanwe muri icyo gihugu.

Minisitiri Mushikiwabo akaba n’umuvugizi wa guverinoma y’u Rwanda, yahakanye ibikubiye muri iyo raporo; avuga ko Isiraheli yasabye u Rwanda kwakira abo bimukira ariko ko nta masezerano arasinywa cyangwa ngo ashyirwe mu bikorwa.

Yasobanuye ko kugeza ubu hari byinshi u Rwanda rutaremeranywaho na Isiraheli kuri iyo ngingo.

JPEG - 95.2 kb
Nubwo Netanyahu avuga ko baza gushaka ubuzima bwiza, bo bigaragambya bavuga ko bashaka ubuhungiro

Mu Gushyingo kwa 2015, imiryango irengera inyungu z’abimukira, Refugee Rights Clinic ukorera muri kaminuza ya Tel Aviv na Hotline for Refugees and Migrants , yareze Leta ya Isiraheli kuri icyo kirego mu rukiko rwa Beersheba ariko rwanga kwakira ikirego, bituma ijuririra urukiko rw’ikirenga rw’icyo gihugu. Kugeza ubu urubanza ruracyakomeje.

Iyo miryango ivuga ko mu bimukira 43 000, bane gusa aribo bahawe ubuhungiro muri iyi myaka ishize, bamwe bagafungwa naho abandi bakagarurwa muri Afurika, bamaze guhabwa imperekeza ya 3500$ (asaga miliyoni ebyiri z’amafaranga y’u Rwanda)

 

Comments

 
 
USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.