Advertisement
 
 
 
 
 
 
 
 

Politiki | Mu Mahanga

Mu magambo akarishye, Perezida Robert Mugabe yiyamye abamurwanya   

  Yanditswe na HERVE UGIRUMUKUNDA
 5 months ago

 
 

Perezida wa Zimbabwe, Robert Mugabe, yihanije bikomeye, abamurwanya, barimo abahoze ari abasirikare, ibihugu by’amahanga n’amashyaka, avuga ko bagiye guhura n’ibibazo .

Mu ijambo yavuze ku wa Gatatu ku ya 27 Nyakanga 2016, Mugabe yatangiye yiyama Pasiteri Mawarire Evan, wateguye imyigaragambyo yo kumwamagana yabaye tariki ya 6 muri uku kwezi.

Ati” Abo bose ba Mawarire nshaka kubaha gasopo. Ishyaka ryanjye Zanu-PF ntirizihanganira ubushotoranyi nk’ubwo bushingiye ku idini.”

AFP ivuga ko yabwiye abo mu ishyaka rye ati” Tuzi uko tugenza abanzi bacu bashaka kuzana impinduka mu butegetsi bw’iki gihugu.”

Ubutegetsi bwa Mugabe, w’imyaka 92 bumaze iminsi bukomwa mu nkokora n’imyigaragambyo y’ababurwanya.

JPEG - 41.9 kb
Perezida wa Zimbabwe, Robert Mugabe

Leta ya Zimbabwe yibasiwe n’ubukene, aho iherutse kubwira abakozi kwitegura kutazajya bahembwa igihe nta mafaranga ahagije igihugu gifite.

Mu cyumweru gishize, abavuye mu gisirikare bashyize hanze itangazo rivuga ko Mugabe ari umunyagitugu ndetse ko batazamushyigikira mu matora yo mu 2018.

Mugabe yavuze ko agiye guhigisha uruhindu abasohoye iryo tangazo bakabiryozwa kandi ati” Nitumenya abo ari bo tuzabafatira ingamba zo kubasubiza ku murongo. Igihano cyabo kizaba gikarishye.”

Uyu mukambwe umaze imyaka 28 ayobor Zimbabwe, yanibasiye ibihugu by’amahanga byivanga mu miyoborere y’igihugu cye.

Ati” Za ambasade z’amahanga zivanga muri politiki yacu… ndaziburiye zishatse zaba zibihagaritse. Zishaka kuburizamo guverinoma yacu.”

Leta ya Zimbabwe imaze igihe ishinja ambasade y’u Bufaransa n’iya Leta Zunze Ubumwe za Amerika gushyigikira gahunda yo kurwanya Mugabe yiswe #Thisflag ya pastier Mawalire.

Mugabe niwe mukuru w’igihugu ushaje kurusha abandi ku Isi, ariko yatangaje ko azongera kwiyamamaza mu 2018.

Ati” Igihe cyose ishyaka rishaka ko nkomeza kandi mfite imbaraga n’umugisha w’Imana, nzakomeza nyobore.”

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Irahira rya Donald Trump ni ryo rihenze kurusha ayandi mu mateka ya USA
Irahira rya Donald Trump ni ryo rihenze kurusha ayandi mu mateka ya USA

Ibirori by’irahira rya Donald Trump ni byo byambere bihenze mu mateka ya USA Donald Trump ararahirira kuyobora Leta Zunze Ubumwe za Amerika kuri uyu wa 20 Mutarama 2017, mu birori birabera mu (...)

Abahimbira ibinyoma Trump ni babi kurusha indaya – Vladimir Putin
Abahimbira ibinyoma Trump ni babi kurusha indaya – Vladimir Putin

Perezida w’u Burusiya, Vladimir Putin ku wa Kabiri yibasiye ubuyobozi bwa Obama abushinja gushaka kuburizamo itorwa rya Donald Trump bubinyujije mu birego bidafite ishingiro. Yavugaga kuri (...)

Ubuyobozi bwa Trump bwaciye amarenga y’uko butazikoza umugabane wa Afurika
Ubuyobozi bwa Trump bwaciye amarenga y’uko butazikoza umugabane wa Afurika

Itsinda rya Donald Trump ryashyikirije ubuyobozi bwa Leta Zunze Ubumwe bucyuye igihe inyandiko irimo ibibazo bizamufasha gukora politiki y’ububanyi n’umugabane wa Afurika; bica amarenga ko ku (...)

Hillary, Bill Clinton na Bush mu bazitabira irahira rya Donald Trump
Hillary, Bill Clinton na Bush mu bazitabira irahira rya Donald Trump

Bill Clinton n’umufasha we Hillary bamaze gutangaza ko bazitabira umuhango w’irahira rya Perezida mushya wa Leta Zunze Ubumwe za Amerika, Donald Trump, watowe bari bahanganye bikomeye. (...)

Ibintu bitanu Obama yakoze muri iyi minsi agamije kunaniza Trump
Ibintu bitanu Obama yakoze muri iyi minsi agamije kunaniza Trump

Perezida wa Leta Zunze Ubumwe za Amerika ucyuye igihe, Barack Obama asigaje igihe kitageze ku kwezi ngo yimukire Donald Trump muri White House. Obama na Trump ntibumvikana ku bintu bitandukanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.