Advertisement
 
 
 
 
 
 
 
 

Politiki | Mu Mahanga

Mu kwezi kumwe gusa u Burusiya bwakoze ubushotoranyi bwatangiza intambara   

  Yanditswe na IMVAHO NSHYA
 1 month ago

 
 

Nyuma y’umwaka u Burusiya bwinjiye mu mvururu zo muri Syria ngo burwanire Perezida Bashar Assad, bwerekanye ko bushaka intambara na USA ndetse n’ibindi bihugu by’u Burayi.

Ibi ni bimwe iki gihugu gikomeye cyane mu gutunga intwaro za kirimbuzi cyakoze muri uku kwezi gushize:

1. U Burusiya bwarashe ku modoka za Loni zari zijyanye imfashanyo mu mujyi wa Aleppo, bihita bidindiza ibiganiro by’amahoro bya USA n’u Burusiya.
2. Bwakomeje kurasa ku baturage b’inzirakarengane muri Syria bukoresheje intwaro z’ubumara bituma abahungira mu Burayi biyongera bikabije.
3. Bwohereje ibitwaro bya kirimbuzi mu gace kabwo kitwa Kaliningrad kari hagati mu Burayi

JPEG - 31.8 kb
Perezida w’u Burusiya, Vladimir Putin

4. U Burusiya bwahagaritse amasezerano yabwo na USA, yo kwangiza intwaro za Plutonium, buvuga ko USA muri iyi minsi itabubereye inshuti nziza.
5. Bwongereye intwaro zabwo za misile muri Syria bunatangaza ko buzarasa indege za USA butabanje kuziburira mu ntambara ya Syria.
6. Bwitabiriye imyitozo ya gisirikare hamwe n’u Bushinwa mu nyanja yo mu majyepfo y’icyo gihugu, yabereye mu birwa USA imaze iminsi ipfa n’u Bushinwa.
7. Iki gihugu kandi kinjiriye ububiko bwa internet bw’ishyaka ry’abademokarate n’ibindi bigo bya USA gishyira amakuru y’ibanga ku karubanda mu rwego rwo kubangamira amatora agiye kuba no kubuza USA umutekano muri rusange.

Ibi ni byo byatumye uwahoze mu gisirikare cy’u Burusiya, Lt. Gen. Ecgeny Buzhinsky abwira BBC ko icyo gihugu gifata u Burayi na Amerika nk’abanzi dore ko byanagifatiye ibihano ndetse n’ikipe yacyo y’imikino y’ababana n’ubumuga igakumirwa mu mikino ya Olempike yabereye i Rio muri Brazil.

Buzhinsky ati “Perezida w’u Burusiya, Putin abona ko hari uguhangana mu nzego zose. Kandi icyo u Burusiya buzakora kizabangamira inyungu za USA, kuko ishaka akamunani, izakabona kandi mu nzego zose.”

Perezida Putin kandi yasubitse uruzinduko rwe mu Bufaransa nyuma y’uko mugenzi we Francois avuze ko bazaganira ku ntambara yo muri Syria nta kabuza.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Fidel Castro wahoze ari perezida wa Cuba yapfuye
Fidel Castro wahoze ari perezida wa Cuba yapfuye

Uwahoze ari perezida wa Cuba akaba n’umuyobozi w’impinduka ya gikomunisiti yabaye mu gice cya kabiri cy’ikinyejana gishize yapfuye afite imyaka 90. Amakuru yatangajwe na televiziyo y’igihugu ya (...)

USA: FBI ifata Hillary Clinton nka Anti-Kirisitu
USA: FBI ifata Hillary Clinton nka Anti-Kirisitu

Urwego rw’iperereza rwa Leta Zunze Ubumwe za Amerika, FBI, ruri kuvugisha menshi muri iyi minsi kubera inyandiko zishyira mu mazi abira umukandida w’abademokarate wiyamamariza ubuperezida, Hillary (...)

U Burusiya bwamuritse igisasu cya kirimbuzi kirusha ibindi ingufu
U Burusiya bwamuritse igisasu cya kirimbuzi kirusha ibindi ingufu

Igisirikare cy’u Burusiya cyashyize ahagaragara igisasu cya kirimbuzi gifite ubushobozi bwo kurimbura ahantu hangana n’u Rwanda n’u Burundi ubikubye kabiri. Ni ubwoko bw’ibisasu bwitwa RS-28 (...)

Umuryango wa EAC uravugwamo ruswa n’ikimenyane mu gutanga akazi
Umuryango wa EAC uravugwamo ruswa n’ikimenyane mu gutanga akazi

Inteko Ishinga Amategeko y’Umuryango wa Afurika y’Uburasirazuba, EALA, yahagaritse igikorwa cyo kwakira abakozi bashya muri EAC kubera ruswa n’imimenyane byagaragaye mu gutanga akazi. Mu nteko (...)

Nyuma y’u Burundi na Afurika y’Epfo yasabye kuva muri ICC
Nyuma y’u Burundi na Afurika y’Epfo yasabye kuva muri ICC

Afurika y’Epfo yatangiye ibikorwa byo kuva mu banyamuryango b’Urukiko Mpuzamahanga Mpanabyaha, ICC, ku wa Kane ku ya 20 Ukwakira 2016. Urwandiko kuva muri urwo rukiko Reuters ifitiye kopi, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.