2017-06-22 11:06:50 clouds 27o High | Kigali Rwanda

Dukurikire:
 
 

CAR: Minisitiri w’Intebe yahagarariye Perezida Kagame mu irahira rya Touadera

Yanditswe na IMVAHO NSHYA

Kuya 2016-03-30 15:14:04

 
Share on:
 
Yasuwe:1
 
Yavuzweho:200
 
10
 
10

Minisitiri w’Intebe w’u Rwanda, Anastase Murekezi yahagarariye Perezida Kagame mu muhango w’irahira rya Perezida mushya wa Centrafrique, Faustin Archange Touadera kuri uyu wa Gatatu ku ya 30 Werurwe 2016.

Uwo muhango, wabereye kuri sitade ya mbere nini muri Centrafrique, witabiriwe n’abakuru b’ibihugu bitandukanye wahesheje Touadera kuyobora igihugu nyuma yo gutsinda amatora ku ya 14 Gashyantare 2016.

Uretse Minisitiri Murekezi, uwo muhango wanitabiriwe na Perezida wa Guinea Equatorial, uwa Congo Denis Sassou Nguesso naho uwa Tchad, Idris Deby yari yohereje Minisitiri w’Ububanyi n’Amahanga.

JPEG - 74.9 kb
Perezida mushya wa Centrafrique Touadera

Touadera yarahiye mu gihe Centrafrique imaze imyaka mu mirwano n’ubwicanyi bushingiye ku madini n’amoko. Kugeza ubu icyo gihugu kiracyugarijwe n’ubukene ndetse haracyari akazi katoroshye ko kunga impande zihanganye.

Ingabo z’u Rwanda ziri mu butumwa bwa Loni bwo kugarura amahoro muri icyo gihugu MINUSCA nizo zahawe inshigano zo kurinda uwo mukuru w’igihugu.

Izo ngabo kandi zagize uruhare rukomeye mu kugarura umutekano muri Centrafrique cyane cyane mu murwa mukuru wa Bangui wari warayogojwe n’imitwe y’inyeshyamba.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE