Advertisement
 
 
 
 
 
 
 
 

Politiki | Mu Mahanga

Loni yemeje kohereza izindi ingabo ziganjemo iz’u Rwanda muri Sudani y’Epfo   

  Yanditswe na IMVAHO NSHYA
 August 2016

 
 

Akanama k’Umutekano ka Loni kemeje kohereza muri Sudani y’Epfo izindi ngabo zo kugarura amahoro 4 000 zirimo iz’u Rwanda .

Loni yavuze ko icyo gihugu nikitemera kwakira izo ngabo kizafatirwa ibihano birimo gufungirwa amayira yo kugura intwaro.

Izo ngabo zizaturuka mu Rwanda, Ethiopia na Kenya. Nizimara kugera muri Sudani y’Epfo, ingabo za Loni zose hamwe zizaba 17 000.

Zizaba zemerewe kurasa no kwica uzazishotora. Umwanzuro w’Akanama k’Umutekano uragira uti “ Izo ngabo zemerewe gukora ibishoboka byose birimo ‘n’ibikomeye’ (kurwana) aho biri ngombwa” mu rwego rwo kurinda abakozi ba Loni n’ibyayo.

DW ivuga ko uwo mutwe w’ingabo uzaba ufite icyicaro mu mujyi wa Juba uzaba wemerewe gufata ingamba zikakaye zirimo no kurwana na buri wese ushaka guhungabanya abaturage.

JPEG - 59.3 kb
Ingabo z’u Rwanda zisanzwe zishimirwa kubungabunga amahoro muri Sudani y’Epfo

Wemerewe kandi ” Guhangana n’uwo ari we wese wabonetseho gutegura ibitero cyangwa kugirana isano n’abari kubitegura.”

U Rwanda ni igihugu cya gatandatu ku Isi gifite ingabo nyinshi n’abapolisi bari mu butumwa bw’amahoro bwa Loni.

Igihugu gifite ingabo ziri mu butumwa muri Darfur(UNAMID, Sudani y’Epfo(UNMISS);, Haiti(MINUSTAH, Liberia(UNMIL);, Abyei(UNISFA), Cote d’Ivoire(UNOCI);, Guinea Bissau(UNIOGBIS).

Sudani y’Epfo ngo “zizaba zije gufata igihugu”

Ku wa Gatatu, Minisitiri w’Itangazamakuru wa Sudani y’Epfo, Michael Makuei, yavuze ko izo ngabo niziza, Loni na USA bizahita bifata ubutegetsi nk’uko Ibiro Ntaramakuru bya Anadolu bibitangaza.

Ati” Mu myaka ishize ingabo za Loni zagiye muri Afghanistan, Iraq na Libya zivuga ko zigiye kugarura amahoro na demokarasi. Ariko igitangaje ni uko icyo bakoze gusa ari uguhirika ubutegetsi bwariho muri ibyo bihugu no gutezayo akavuyo ku buryo kugeza ubu ntawe uzi niba hazagarukayo amahoro.”

Minisitiri Makuei avuga USA ibinyujije muri Loni ishaka kwigarura Sudani y’Epfo.

Ati” Ubwo Umunyamabanga Mukuru wa Loni Ban Ki Moon yari mu Rwanda mu nama ya 27 ya AU, yakomeje kuvuga nabi guverinoma ya Sudani y’Epfo, yasaga nk’ubwira ibihugu bya Afurika ngo bishyigikire Loni mu mugambi wayo wo guhindura ubutegetsi buriho.”

Leta y’icyo gihugu kandi ishinja Ban Ki Moon kujya mu matwi abakuru b’ibihugu byo mu karere bibumbiye muri IGAD. Ibi bihugu byemeje ko ingabo za Loni ziri muri Sudani y’Epfo (UNMISS) zongererwa manda.

Ibi ariko Ambasaderi wa USA muri Sudani y’Epfo, Molly Phee, abitera utwatsi, akavuga igihugu cye ko gishishikajwe no kugarura amahoro muri icyo gihugu.

 

Comments

 
 
USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Somalia: Abadepite batoreye Perezida mushya ‘Farmajo’mu bubiko bw’indege
Somalia: Abadepite batoreye Perezida mushya ‘Farmajo’mu bubiko bw’indege

Abagize inteko ishinga amategeko ya Somalia batoreye Mohamed Abdullahi Farmajo kuba Perezida wa Somalia ku wa Gatatu ku ya 8 Gashyantare 2017. Ni amatora yabereye mu bubiko bw’indege bw’ikibuga (...)

Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.