Advertisement
 
 
 
 
 
 
 
 

Politiki | Mu Mahanga

Loni ihangayikishijwe n’ingabo za Riek Machar zikomeje guhungira muri Congo   

  Yanditswe na IMVAHO NSHYA
 5 months ago

 
 

Ingabo z’Umuryango w’Abibumbye ziri muri Repubulika Iharanira Demokarasi ya Congo (MONUSCO) zatangaje ko zitewe impungenge n’abarwanyi ba Riek Machar, urwanya Leta ya Sudani, bakomeje guhungira muri icyo gihugu gisanzwemo imitwe y’inyeshyamba myinshi.

Itangazo Monusco yashyize ahagaragara rivuga ko igowe no gucunga abarwanyi basaga 750 ba Riek Machar bamaze guhungira muri Congo nyuma y’imirwano ikarishye yabahuje n’ingabo za Perezida Riek Machar mu kwezi gushize.

Mu mpera z’icyumweru gishize, Monusco yatabaye abarwanyi 268 bari bahungiye muri Parike ya Garamba mu Majyaruguru y’Uburasirazuba bwa Congo.

JPEG - 73.2 kb
Abarwanyi ba Riek Machar bari muri Congo batabarwa bamerewe nabi

Iryo tangazo riti” Monusco na Loni bikomeje kuganira na Leta ya Congo n’imiryango ikorera mu karere ngo idufashe guhangana n’iki kibazo cy’ingutu, kuko gishobora kubangamira umutekano mu karere no muri Congo by’umwihariko.”

Ku wa 17 Kanama 2016 nibwo Riek Machar nawe yatabawe na Monusco afite igikomere ku kaguru nyuma yoherezwa muri Sudani kwivuza.

Kuri ubu abarwanyi 634 bamaze kuvanwa na Loni mu mashyamba naho abandi 134 bakiri muri parike bakeneye ubufasha bwihuse. Monusco ivuga ko abo barwanyi basabwa kubanza gutanga intwaro zabo.

Ivuga kandi ko ifite impungenge ko abo barwanyi badacungiwe hafi bashobora gushinga umutwe w’ubugizi bwa nabi wahungabanya umutekano nka FDLR y’Abanyarwanda basize bakoze Jenoside mu 1994 ubu bakaba bamaze imyaka isaga 22 bahohotera abaturage muri Congo.

Imirwano yubuye hagari y’ingabo za Riek Machar na Salva Kiir muri Nyakanga yaguyemo ababarirwa muri 300.

Kuva icyo gihe Riek Machar n’abambari be bavuye mu mujyi wa Juba nyuma biza kugaragara ko yahungiye muri Congo ari kumwe na bamwe muri bo.

Perezida Kiir yemeye ko Loni yohereza izindi ngabo 4000 ziyongera ku 12 000 zari zisanzwe zibungabunga amahoro muri Sudani y’Epfo.

 

Comments

 
 
USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Somalia: Abadepite batoreye Perezida mushya ‘Farmajo’mu bubiko bw’indege
Somalia: Abadepite batoreye Perezida mushya ‘Farmajo’mu bubiko bw’indege

Abagize inteko ishinga amategeko ya Somalia batoreye Mohamed Abdullahi Farmajo kuba Perezida wa Somalia ku wa Gatatu ku ya 8 Gashyantare 2017. Ni amatora yabereye mu bubiko bw’indege bw’ikibuga (...)

Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.