2017-07-27 11:26:56 clouds 27o High | Kigali Rwanda

Dukurikire:
 
 

Leta ya Sudani y’Epfo irashinja USA na Loni kohereza ingabo zo gufata igihugu

Yanditswe na IMVAHO NSHYA

Kuya 2016-08-12 08:16:36

 
Share on:
 
Yasuwe:7
 
Yavuzweho:200
 
10
 
10

Guverinoma ya Sudani y’Epfo yamaganye Leta Zunze Ubumwe za Amerika (USA) n’Akanama k’Umutekano ka Loni bishaka kohereza ingabo 4 000 ziyongera ku zisanzwe zigarura amahoro muri icyo gihugu, ivuga ko izo ngabo zizaba zije guhirika Perezida Salva Kiir ku butegetsi.

Imirwano iherutse gushyamiranya ingabo za Salva Kiir n’iza Riek Machar yaguyemo ababarirwa muri 300 mu murwa mukuru wa Juba.

Ibi byatumye USA isaba akana k’umutekano ka Loni kohereza izindi ngabo 4000 mu mujyi wa Juba,

Ku wa Gatatu, Minisitiri w’Itangazamakuru wa Sudani y’Epfo, Michael Makuei, yavuze ko izo ngabo niziza, Loni na USA bizahita bifata ubutegetsi nk’uko Ibiro Ntaramakuru bya Anadolu bibitangaza.

Ati” Mu myaka ishize ingabo za Loni zagiye muri Afghanistan, Iraq na Libya zivuga ko zigiye kugarura amahoro na demokarasi. Ariko igitangaje ni uko icyo bakoze gusa ari uguhirika ubutegetsi bwariho muri ibyo bihugu no gutezayo akavuyo ku buryo kugeza ubu ntawe uzi niba hazagarukayo amahoro.”

JPEG - 91.6 kb
Leta ya Kiir isanga ingabo za Loni nta kindi kizazizana kitari uguhirika ubutegetsi buriho

Minisitiri Makuei avuga USA ibinyujije muri Loni ishaka kwigarura Sudani y’Epfo.

Ati” Ubwo Umunyamabanga Mukuru wa Loni Ban Ki Moon yari mu Rwanda mu nama ya 27 ya AU, yakomeje kuvuga nabi guverinoma ya Sudani y’Epfo, yasaga nk’ubwira ibihugu bya Afurika ngo bishyigikire Loni mu mugambi wayo wo guhindura ubutegetsi buriho.”

Leta y’icyo gihugu kandi ishinja Ban Ki Moon kujya mu matwi abakuru b’ibihugu byo mu karere bibumbiye muri IGAD. Ibi bihugu byemeje ko ingabo za Loni ziri muri Sudani y’Epfo (UNMISS) zongererwa manda.

Ibi ariko Ambasaderi wa USA muri Sudani y’Epfo, Molly Phee, abitera utwatsi, akavuga igihugu cye ko gishishikajwe no kugarura amahoro muri icyo gihugu.

Ati” Nta na rimwe Akanama k’Umutekano cyangwa USA byigeze bigira umugambi wo kwigarurira Sudani y’Epfo.”

Byitezwe ko kuri uyu wa Gatanu Akanama k’Umutekano karatorera umwanzuro wo kohereza izo ngabo 4000 . Intambara imaze imyaka hafi imyaka itatu muri Sudani y’Epfo imaze guhatana ababarirwa mu bihumbi naho miliyoni ebyiri n’igice bamaze guhunga.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE