2017-12-11 14:03:29 clouds 27o High | Kigali Rwanda

Dukurikire:
 
 

Koreya ya Ruguru ishinja USA kugerageza kwicisha uburozi Kim Jong Un

Yanditswe na IMVAHO NSHYA

Kuya 2017-05-05 12:09:59

 
Share on:
 
Yasuwe:1166
 
Yavuzweho:200
 
10
 
10

Leta ya Koreya ya Ruguru yatangaje ko Leta Zunze Ubumwe za Amerika na Koreya y’Epfo byagerageje kwica Kim Jong Un bikoresheje ibisasu birimo uburozi.

Icyegeranyo cy’amagambo 1800 icyo gihugu cyashyize ahagaragara kuri uyu wa Gatanu, kivuga ko umutwe w’iterabwoba wagambanye n’Ikigo cy’Ubutasi cya USA, (CIA) n’icya Koreya y’Epfo, IS, kugira ngo bazatere igisasu kirimo uburozi Kim Jong Un ari mu birori n’imyiyerekano ya gisirikare biherutse kuba.

CNN ivuga ko ubuyobozi bwa Koreya ya Ruguru buhamya ko bwatahuye uwo mugambi ndetse ukaburizwamo, igashinja abakozi ba CIA na IS gukorana n’umuturage w’umunyakoreya mu gutanga amafaranga n’intwaro zo gutera icyo gisasu.

JPEG - 117.2 kb
Kim Jong Un ngo yari kwicirwa mu myiyerekano ya gisirikare muri Werurwe

Si ubwa mbere Koreya ya Ruguru ishinje USA gushaka kwica Kim Jong Un.

Koreya y’Epfo yo yamaze kwemera ko ifite umugambi wo kumwica. Mu mwaka ushize, abadepite bayo bavuze ko bafite igitekerezo cy’uko bakoresha ibisasu bya misile bishobora kwibasira aho Kim Jong Un atuye bikamuhitana.

Muri Koreya y’Epfo kandi abagaba b’ingabo na polisi bashyizeho Ihuriro ryo Guhana bihanukiriye Koreya ya Ruguru no kwirwanaho mu gihe iteye ‘Massive Punishment and Retaliation (KMPR)’

Riteganya gukoresha ibisasu bikomeye, imitwe y’ingabo yihariye n’ubundi buryo bwo kwikiza umwanzi cyane cyane ubuyobozi bwa Koreya ya Ruguru mu gihe hagaragaye impungenge z’ikoreshwa ry’ibisasu bya kirimbuzi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE