Advertisement
 
 
 
 
 
 
 
 

Politiki | Mu Mahanga

Kenya: Impunzi z’Abarundi zirashinja Perezida Nkurunziza kuzica uruhongohongo   

  Yanditswe na IMVAHO NSHYA
 April 2016

 
 

Impunzi z’Abarundi zahungiye muri Kenya ziratabaza nyuma yo kubona buri munsi zicwa n’abantu batazwi zivuga ko baba boherejwe n’ubutegetsi bwa Perezida Nkurunziza.

Nairobi ni muri kilometero zibarirwa muri 550 uvuye i Burundi, izi mpunzi zivuga ko zibwiraga ko zicitse ku icumu rya Leta ya Nkurunziza, dore ko benshi muri zo bari ku rutonde rw’abahigwa nyuma y’uko yiyamamarije manda ya gatatu.

Arnold na bagenzi be barindwi baba mu cyumba cyahoze ari isomero ry’urusengero mu mujyi wa Nairobi. Mu buhamya bahaye Ikigo cy’Itangazamakuru cya Pulitzer, bavuze ko batagisinzira na gato.

JPEG - 72.7 kb
Abasaga 250 000 bamaze guhunga u Burundi

Mu ijoro babiri muri bo basimburana ku burinzi umwe yitwaje fer a beton undi afite umuhoro. Nubwo baba bitwaje izo ntwaro ngo bahorana ubwoba kuko badashobora kwirinda abateye bitwaje imbunda.

Arnold ati” Izi ntwaro ubona ni nk’aho ntacyo zimaze. Umwanzi aje yitwaje imbunda twakizwa n’amaguru nta kundi.”

Ikigo Pulitzer kivuga ko benshi muri izo mpunzi bavuye mu Burundi babona bagenzi babo bicwa urw’agashinyaguro. Bageze muri Kenya nabwo, bamwe muri bo barakurikiranwe baricwa.

Uwitwa Juma avuga ko umwe mu barwanya Nkurunziza , Jean de Dieu Kabura bamusanze mu nzira mu mujyi wa Nairobi bamukomerekeje bikomeye agahita apfa.

Ati” Yari yambaye ubusa, umubiri we ari ibikomere gusa. Noneho arambwira ati’Juma baranyishe.’

Avuga ko abishe Kabura bibagiriwe ku murambo we urutonde rw’abo bagomba kwica n’indangamuntu z’abo bari bamaze kwica.

Umunyamakuru Nick Schifrin yaganiriye n’imwe mu Mbonerakure zoherejwe kwica impunzi muri Kenya yitwa Pierre. Yari umunyeshuri wigaga ubuganga muri kaminuza; yavuze ko bavuye mu Burundi bahawe amabwiriza yo kwigira inshuti n’abahunze barwanya Nkurunziza kugira ngo babone uko babica.

Ati” Twagombaga kubashakaho ubucuti, twamara kumenyerana tukabica dukoresheje uburozi.”

Pierre avuga ko yageze i Nairobi maze bamuha urutonde rw’abo kwica agasanga harimo inshuti ye ya hafi, nawe agahitamo kuba impunzi.

Izo mpunzi ziri muri Kenya zivuga ko zitabaje polisi y’icyo gihugu ariko ikazirengagiza, polisi yo ibihakana yivuye inyuma.

Hagati aho abantu batari bake bakomeje gupfa mu Burundi, hari ababurirwa irengero bajyanwe bivugwa ko bajyanwa n’inzego z’umutekano n’abagwa mu bitero by’abitwaje intwaro batazwi.

 

Comments

 
 
USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.