2017-08-21 15:16:56 clouds 27o High | Kigali Rwanda

Dukurikire:
 
 

USA2016: Trump arengeje amanota yo kuba Perezida

Yanditswe na IMVAHO NSHYA

Kuya 2016-11-09 04:44:29

 
Share on:
 
Yasuwe:8
 
Yavuzweho:200
 
10
 
10

Abaturage bo muri Amerika batunguwe no kubona Umunyemari Donald Trump akomeje gutsinda amatora muri Leta zitandukanye za Leta Zunze Ubumwe za Amerika.

Kugeza ubu mu manota 270 akenewe ku mukandida ugomba kuyobora, Trump amaze kugira 276 mu gihe Hillary Clinton agifite 218. Nta gushidikanya ko Donald Trump abaye Perezida amaze kubonwa nka Perezida wa Leta Zunze Ubumwe za Amerika.

Abashyigikiye Trump bemeza ko bamutegereje atangaza intsinzi mu gihe abashyigikiye Hillary Clinton bahamya ko ibyo babona biteye ubwoba kurusha "Halloween."

Guhera saa cyenda z’ijoro ku wa 9 Ugushyingo 2016 i Kigali, ibyavuye mu matora ya Leta Zunze Ubumwe za Amerika byagaragazaga Donald Trump yatsinze muri Leta zitandukanye zirimo iya Pensylvania, aho ari we wa mbere uyibonyemo intsinzi.

Saa kumi: Abademokarate bamaze gutsindira amajwi manini 97 mu gihe abarepubulikani batsindiye 130.

Saa kumi n’imwe: Trump aracyayoboye ku majwi 49.0% ahwanye na 32,027,156; Clinton n’amajwi 47.0% angana na 30,950,147 nk’uko CNN na Sky News bibitangaza.

Saa Kumi n’Ebyiri: Hillary Clinton yigobotoye Trump n’amajwi manini 202 mu kuri 188 (Sky News), Trump yatsinze Utah, Hillary atsinda California, Washington, Hawaii na Oregon.

Saa Kumi n’Ebyiri n’Igice: Trump yakomeje kuyobora amatora rusange n’amajwi 229 kuri 209 ya Hillary, tubibutse ko ubu ari saa Tanu n’iminota mirongo ine ku isaha rusange ya USA.

Saa mbili na 12: Trump akomeje kuyobora amatora n’amajwi 244 mu gihe Hillary Clinton ari ku majwi 215. Abanyamerika benshi bamaze kubona ko Trump afite amahirwe menshi yo gutsinda kuko mu kinyejana gishize nta muperezida wigeze abona amajwi nk’ayo afite.

Saa mbili n’igice: Donald Trump ageze ku manota 254 mu gihe Hillary akiri kuri 215.

Saa mbili na 47: Donald Trump agejeje ku majwi 264 Hillary Clinton akiri kuri 215 nk’uko bitangazwa na Aljazeera. Abashyigikiye Hillary bamaze gutakaza icyizere kuko aho baro hose ntibakivuga ndetse baragaragaza akababaro gakomeye.

Saa tatu n’iminota 2: Donald Trump ageze ku manota 265 kuri 270 akenewe mu gihe Hillary Clinton akiri kuri 218.

Saa tatu n’iminota 16: Donald Trump ageze ku manota 266 Hillary akiri kuri 218. Aba Republicain bafite amashyushyu menshi yo kubona Trump aba Perezida. Baravuga ko ushaka impinduka wese yashyigikira Trump.

Saa tatu na 40: Trump abonye amanota 276 arenze ayari akenewe kugira ngo abe Perezida mu gihe Hillary akiri kuri 218.

Aljazeera itangaje ko radiyo z’abademocrate zimaze amasaha ane zifunzwe. Kuri ubu intsinzi yerekeye kuri Trump, igisigaye ni ugutangazwa nka Perezida wa USA.

Amatora yageze ku musozo hategerejwe igisubizo cya nyuma

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE