Advertisement
 
 
 
 
 
 
 
 

Politiki | Mu Mahanga

ICC igiye gucukumbura iby’imvururu zimaze umwaka mu Burundi   

  Yanditswe na HERVE UGIRUMUKUNDA
 April 2016

 
 

Urukiko Mpuzamahanga Mpanabyaha, ICC, rwatangaje ko rugiye gucukumbura iby’ubugizi bwa nabi no guhonyora uburenganzira bwa muntu bimaze umwaka mu Burundi.

Umushinjacyaha mukuru wa ICC, Fatou Bensouda kuri uyu wa Mbere yatangaje ko yashyikirijwe raporo zerekana gufungwa bitemewe, iyicwarubozo no gufata ku ngufu kuva imvururu zatangira muri icyo gihugu muri Mata 2015 ubwo Perezida Nkurunziza yatangazaga ko aziyamamariza manda ya Gatatu.

Ati” Abantu basaga 3400 batawe muri yombi naho abasaga 230 000 bahungira mu bihugu bituranye n’u Burundi.”

JPEG - 88.1 kb
Umushinjacyaha mukuru wa ICC, Fatou Bensouda

Ubucukumbuzi ku byabereye mu Burundi bushobora kuzatwara ICC imyaka mbere y’uko hakorwa iperereza nyirizina. Iryo perereza nirirangira nibwo abashinjwa ibyaha by’intambara n’ibyibasiye inyokomuntu bazashyikirizwa urwo rukiko.

Imvururu ziri mu Burundi zishingiye ku kuba abatavuga rumwe na Perezida Nkurunziza bamushinja kwica itegeko nshinga, rigenera umukuru w’igihugu manda ebyiri gusa n’amasezerano ya Arusha yasoje intambara yari imaze imyaka isaga 10 muri icyo gihugu.

Muri Gicurasi 2015 bamwe mu basirikare bayobowe na Gen. Niyombare bagerageje guhirika Nkurunziza ku butegetsi ubwo yari mu nama muri Tanzania ariko biburizwamo.

Nyuma yaho abatavuga rumwe na Leta n’abasirikare bakuru bagiye bicwa n’abantu bataramenyekana kugeza ubu. Hari kandi abaturage benshi bagiye bicwa bakajugunywa ku nzira ndetse hanavumbuwe ibyobo byaguye bitabwamo imirambo.

Kugeza ubu Ishami ry’Umuryango w’Abibumbye ryita ku Burenganzira bwa Muntu ribarura abakabakaba 500 bishwe.

Kuva imvururu za Politiki zatangira hamaze kuvuka imitwe yitwaje intwaro itatu yose ishaka guhirika perezida Nkurunziza.

ICC ivuze ibyo gukurikirana abagize uruhare mu bugizi bwa nabi mu Burundi mu gihe iherutse kugira abere Perezida na Visi Perezida ba Kenya, Uhuru Kenyatta na William Ruto.

 

Comments

 
 
Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Irahira rya Donald Trump ni ryo rihenze kurusha ayandi mu mateka ya USA
Irahira rya Donald Trump ni ryo rihenze kurusha ayandi mu mateka ya USA

Ibirori by’irahira rya Donald Trump ni byo byambere bihenze mu mateka ya USA Donald Trump ararahirira kuyobora Leta Zunze Ubumwe za Amerika kuri uyu wa 20 Mutarama 2017, mu birori birabera mu (...)

Abahimbira ibinyoma Trump ni babi kurusha indaya – Vladimir Putin
Abahimbira ibinyoma Trump ni babi kurusha indaya – Vladimir Putin

Perezida w’u Burusiya, Vladimir Putin ku wa Kabiri yibasiye ubuyobozi bwa Obama abushinja gushaka kuburizamo itorwa rya Donald Trump bubinyujije mu birego bidafite ishingiro. Yavugaga kuri (...)

Ubuyobozi bwa Trump bwaciye amarenga y’uko butazikoza umugabane wa Afurika
Ubuyobozi bwa Trump bwaciye amarenga y’uko butazikoza umugabane wa Afurika

Itsinda rya Donald Trump ryashyikirije ubuyobozi bwa Leta Zunze Ubumwe bucyuye igihe inyandiko irimo ibibazo bizamufasha gukora politiki y’ububanyi n’umugabane wa Afurika; bica amarenga ko ku (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.