2017-05-23 15:35:04 clouds 27o High | Kigali Rwanda

Dukurikire:
 
 

Havumbuwe ko USA yashoye $ menshi mu guhimba amashusho yo guharabika Al Qaeda

Yanditswe na IMVAHO NSHYA

Kuya 2016-10-04 09:06:14

 
Share on:
 
Yasuwe:7
 
Yavuzweho:200
 
10
 
10

Umuryango w’Abanyamakuru baperereza wo mu Bwongereza, watangaje ko wavumbuye ko igisirikare cya Leta Zunze Ubumwe za Amerika cyashoye asaga miliyoni 540 z’amadorali hagati ya 2006 na 2011 mu guhimba amashusho yerekana intagondwa za al-Qaeda ziri guca imitwe abantu muri Irak.

Bureau of Investigative Journalism, ivuga ko USA yavugaga ko ishora ayo mamiliyoni mu ‘rugamba rw’isakazamakuru’. Yishyuwe mu ibanga ikigo cy’isakazamakuru n’ubuhuza cyo mu Bwongereza cyitwa Bell Pottinger kugira ngo gikwize ibihuha byo guharabika intagondwa z’abayisilamu.

Uwahoze akora yo mashusho, Martin Wells, avuga ko bayafotoreraga mu bwihisho bacungwa n’abasirikare ba USA.

JPEG - 78.4 kb
Amashusho nk’aya ngo acurwa na USA

Ayo mashusho yibasiraga Al-Qaida, yari akozwe ku buryo bigaragara ko yakozwe n’Abarabu akagurishwa kuri za televiziyo zo mu Burasirazuba bwo Hagati nyuma bigatangazwa ko Al-Qaida ari yo yayashyize ahagaragara.

Ahanini ayo mafoto yakoreshwaga kugira ngo abayareba baze gufatwa, yabaga ari kuri CD maze uyashyize mu mashini, USA ikamukurikirana hakoreshejwe aderesi ye ya internet (IP) cyangwa Google.

Kuri ubu hari abakeka ko hari andi mashusho ameze nk’ayo akoreshwa akitirirwa umutwe wa Leta ya Kiyisilamu, ISIS, cyane ko kuri ubu kuyerekana byoroshye kubera imbuga nkoranyambaga.

Ibi bishimangira impungenge z’uko hari benshi bashobora kujya mu mitwe y’intagondwa kubera ibyo bareba kuri internet, bakisanga bafashwe na USA batararenga umutaru.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE