Advertisement
 
 
 
 
 
 
 
 

Politiki | Mu Mahanga

Congo: Sosiyete sivile iranyomoza FARDC ivuga ko igeze kure irandura FDLR   

  Yanditswe na IMVAHO NSHYA
 August 2016

 
 

Igisirikare cya Repubulika Iharanira Demokarasi ya Congo cyatangaje ko kimaze guca intege uyu mutwe urwanya Leta y’u Rwanda ariko ibi sosiyete sivile yo muri icyo gihugu ivuga ko ari ibinyoma.

Guillaume Ndjike Kaiko, umuvugizi wa SOKOLA II, misiyo y’ibitero bya FARDC kuri FDLR n’indi mitwe yitwaje intwaro mu duce twa Walikale, Rutshuru, Masisi na Nyiragongo avuga ko hagati ya 2015 na 2016 bamaze kwica inyeshyamba 140 za FDLR gufata mpiri 323 n’191 bakayamanika.

Ibi ariko sosiyete sivile ivuga ko ari ukubeshya kuko mu gace kose hakiri umutekano muke , abayobozi b’imiryango itandukanye bavuga ko bisa nk’aho nta cyahindutse mbere y’uko ibitero kuri FDLR bitangira.

JPEG - 154.1 kb
FDLR imaze imyaka isaga 22 mumashyamba ya Congo

Perezida wa sosiyete sivile ya Nyiragongo, Mambo Kawaya yabwiye Radio Okapi ko abarwanyi ba FDLR bakigabiza imitungo y’abaturage, bakanashimuta abantu, asaba ko ibitero bya gisirikare byongerwa cyane.

Ati”Njye mbona ibyo bitero bavuga ntacyo byamaze. Haracyari ibibazo byinshi byo gukemura. Turasaba ingabo za FARDC guhindura uburyo zigaba ibitero zigatangira imirwano iri ku rwego rwo hejuru, ya simusiga.”

Ibi bishimangirwa na Perezida wa sosiyete sivile ya Rutshuru, Tchiza Ntamenya uvuga ko agahenge kaje mu gace ka Rutshuru-Centre naho ahandi ibintu bikaba bimeze nabi.

Ati” Umutekano wagarutse gake muri Rutshuru-Centre aruko nk’ahitwa Bweza na Bwito nta kigenda.”

Hashize umwaka urenga ingabo za FARDC zifatanyije n’iza Loni, MONUSCO, zivuze ko zitangiye kugaba ibitero kuri uwo mutwe, ariko bidateye kabiri, Loni yahise iha Leta ya Kabila igihe cy’ ibyumweru bibiri ngo ibe yirukanye abajenerali babiri, Bruno Mandevu na Fall Sikabwe, bakurikiranweho ibyaha byo guhonyora uburenganzira bwa muntu, bari bashinzwe kuyobora ibyo bitero.

Kuva ubwo Leta ya Congo yagiye itangaza ko iri kugaba ibitero kuri FDLR, ariko impuguke za Loni zivuga ko nta na kimwe byigeze bihunganyabanyaho uwo mutwe urimo n’abasize bakoze Jenoside yakorewe Abatutsi.

Icyegeranyo impuguke za Loni zashyize ahagaragara mu Kwakira, cyagaragaje ko bya FARDC byatumye FDLR ihindura ibirindiro by’igihe gito ndetse igahomba imwe mu mitungo yinjiza ariko ko kugeza muri Kanama ingufu zayo zari zikiri za zindi.

Ibi ariko ntibikuraho ko uyu mutwe wacitse intege ndetse n’abarwanyi bawo benshi barimo n’abakomeye bagatahuka mu Rwanda aho babwira bagenzi babo bakiri mu mashyamba ko bamerewe neza mu gihugu cyabo bakabasaba gutahuka.

 

Comments

 
 
USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Somalia: Abadepite batoreye Perezida mushya ‘Farmajo’mu bubiko bw’indege
Somalia: Abadepite batoreye Perezida mushya ‘Farmajo’mu bubiko bw’indege

Abagize inteko ishinga amategeko ya Somalia batoreye Mohamed Abdullahi Farmajo kuba Perezida wa Somalia ku wa Gatatu ku ya 8 Gashyantare 2017. Ni amatora yabereye mu bubiko bw’indege bw’ikibuga (...)

Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.