Advertisement
 
 
 
 
 
 
 
 

Politiki | Mu Mahanga

Congo: MONUSCO yongerewe manda   

  Yanditswe na IMVAHO NSHYA
 March 2016

 
 

Akanama k’Umutekano ka Loni, ku wa Gatatu kongereye manda y’umwaka umwe Ingabo z’Umuryango w’Abibumbye ziri mu butumwa bwo kugarura amahoro muri Congo, MONUSCO.

Ako Kanama kavuga ko izo ngabo zizakenerwa mu kubungabunga umutekano w’abaturage mu matora ateganyijwe muri icyo gihugu no kurwanya imitwe y’inyeshyamba.

Hemejwe ko manda y’izo ngabo izagera ku ya 31 Werurwe 2017, ndetse zikaguma ku mubare wa 20 000. Leta ya Congo yari yasabye ko umubare w’ingabo za MONUSCO ugabanywa.

JPEG - 50.5 kb
Ingabo za MONUSCO zasabwe kurandura FDLR

MONUSCO yasabwe gutanga ubufasha bwa tekiniki n’ibikoresho mu gutegura amatora naho Komisiyo y’Amatora muri Congo yo isabwa gushyiraho gahunda y’amatora ifatika.

Naho ku birebana n’imitwe yitwaje intwaro, abagize akanama k’umutekano basabye MONUSCO gukora iyo bwabaga ikarandura burundu umutwe wa FDLR n’indi iyogoza abaturage mu Burasirazuba bwa Congo.

Muri Mutarama, minisitiri w’ingabo wa Congo, Crispin Atama Tabe n’umuyobozi wungirije wa Monusco, David Gressly bashyize umukono ku masezerano yo gusubukura ibitero kuri FDLR.

Mu mwaka ushize, Monusco yahagaritse gufatanya n’ingabo za Congo muri ibyo bitero nyuma yo kutumvikana ku bajenerali babiri bari kubiyobora kuko bashinjwa ibyaha by’intambara.

Umutwe wa FDLR ugizwe n’abashinjwa gusiga bakoze Jenoside mu Rwanda bagahungira mu mashyamba ya Congo aho bageze bakabuza abaturage epfo na ruguru imyaka ikaba isaze 21.

 

Comments

 
 
USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

USA: Urukuta rwa Trump, ruzatwara miliyari 21 $, ruzubakwa mu myaka itatu
USA: Urukuta rwa Trump, ruzatwara miliyari 21 $, ruzubakwa mu myaka itatu

Urukuta Perezida wa Leta Zunza z’Ubumwe za Amerika, Donald Trump ateganya kubaka ku mupaka w’icyo gihugu na Mexico ruzatwara miliyari 21.6 z’amadorali naho imirimo yo kurwubaka ibe mu gihe cy’imyaka (...)

Somalia: Abadepite batoreye Perezida mushya ‘Farmajo’mu bubiko bw’indege
Somalia: Abadepite batoreye Perezida mushya ‘Farmajo’mu bubiko bw’indege

Abagize inteko ishinga amategeko ya Somalia batoreye Mohamed Abdullahi Farmajo kuba Perezida wa Somalia ku wa Gatatu ku ya 8 Gashyantare 2017. Ni amatora yabereye mu bubiko bw’indege bw’ikibuga (...)

Perezida wa Guinea, Alpha Conde ni we muyobozi mushya wa AU
Perezida wa Guinea, Alpha Conde ni we muyobozi mushya wa AU

Perezida wa Guinea Conakry yasimbuye Idriss Deby Itno wa Tchad ku buyobozi bw’Umuryango w’Ubumwe bwa Afurika, AU, mu muhango wabereye ku cyicaro cya AU, i Addis Ababa muri Ethiopia kuri uyu wa 30 (...)

Mexico yanze kwishyura urukuta Trump agiye kubaka ku mupaka wayo na USA
Mexico yanze kwishyura urukuta Trump agiye kubaka ku mupaka wayo na USA

Perezida Donald Trump, ejo hashize yasinye itegeko ryo gutangira kubaka urukuta ku mupaka wa Leta Zunze Ubumwe za Amerika na Mexico rwo gukumira abimukira badafite ibyangombwa no gukaza umutekano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.