2017-09-24 09:25:05 clouds 27o High | Kigali Rwanda

Dukurikire:
 
 

Centrafrique: Ingabo z’u Rwanda zashinzwe kurinda perezida mushya

Yanditswe na IMVAHO NSHYA

Kuya 2016-03-29 15:44:05

 
Share on:
 
Yasuwe:11
 
Yavuzweho:200
 
10
 
10

Ingabo z’u Rwanda ziri mu butumwa bwa Loni bwo kugarura amahoro muri Repubulika ya Centrafrique, MINUSCA, zahawe inshigano zo kurinda perezida mushya w’icyo gihugu, Faustin Archange Touadera.

Izo ngabo ziri mu itsinda ryiswe Rwanbatt3, zizarinda perezida Touadera ari nako zikomeza kubungabunga umutekano w’uwo yasimbuye, Catherine Samba Panza.

Ubuyobozi bw’ingabo z’u Rwanda buvuga ko Loni yahaye u Rwanda izo nshingano kuko Polisi y’u Rwanda yashoboye kurinda Touadera akiri umukandida.

Polisi y’u Rwanda yarinze uwo mugabo kuva ku ya 8 Mutarama 2016 ubwo yiyamamazaga mu matora.Kuva icyo gihe ni nayo yakomeje kumurinda abaye perezida.

JPEG - 143.7 kb
Ingabo z’u Rwanda ziri muri Rwanbatt 3

Rwanbatt3 yahawe inshingano zo kurinda Perezida Touadera, kurinda ibiro bye n’ingoro ye no kumuba hafi aho ari hose.

Mu muhango wo gushyikirizwa izo nshingano. Polisi y’u Rwanda yari ihagarariwe na SSP Paul Butera mu mwanya wa ACP Benoit Kayijuka ushinzwe uburinzi.

Ingabo z’u Rwanda zo zari zihagarariwe na Maj. Epimaque Kayitare na Major Santos Kanamugire ushinzwe itsinda ririnda perezida wa Centrafrique.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE