Advertisement
 
 
 
 
 
 
 
 

Politiki | Mu Mahanga

AU yongeye kwakira abakandida bashaka gusimbura Dlamini Zuma   

  Yanditswe na IMVAHO NSHYA
 3 months ago

 
 

Komisiyo y’Umuryango w’Ubumwe bwa Afurika yatangiye kongera kwakira abakandida bifuza gusimbura Perezida wayo, Nkosazana Dlamini Zuma.

Mu itangazo iyi komisiyo yashyize ahagaragara kuri uyu wa Gatatu, yavuze ko iri gushaka abakandida bo kujya mu myanya 10, ya Perezida na Visi-Perezida n’abakomiseri umunani.

Kwakira abo bakandida bije nyuma y’uko amatora yabereye mu Rwanda mu nama ya AU muri Nyakanga aburijwemo “Kuko mu bakandida batatu biyamamaje ku mwanya wa Perezida wa Komisiyo ntawabonye bibiri bya gatatu by’amanota mu byiciro birindwi byose.”

JPEG - 53.2 kb
Kugeza ubu Dlamini Zuma yabuze umusimbura

Komisiyo ya AU ivuga ko andi matora shobora kuba ku ya 30-31 Mutarama 2017 mu nama ya 28 y’Abakuru b’Ibihugu bya Afurika izabera I Addis-Ababa muri Ethiopia.

Itangazo riragira riti” Amategeko agenga inama y’ubuyobozi n’amatora y’abagize komisiyo agena ko amazina y’abakandida azengurutswa mu bihugu bigize AU harabura nibura amezi atatu ngo amatora abe.”

Ibihugu bifite abakandida ku mwanya w’ubukomiseri byasabwe gutanga amazina yabo ari mu ibahasha ifunze ku biro by’Umujyanama mu by’amategeko wa AU bitarenze ku ya 19 Kanama, naho uturere tugatanga abakandida batwo bitarenze ku ya 16 Nzeli.

Naho amazina y’abakandida ku mwanya wa Perezida n’umwungirije ngo azatangwa kugeza ku ya 30 Nzeli.

Ku ya 7 Ukwakira, abaminisitiri bazahura bakora urutonde ndakuka rw’abakandida hanyuma batange gutemberezwa mu bihugu byose mbere yo ku ya 14 Ukwakira 2016.

Mu bahabwa amahirwe yo gusimbura Dlamini Zuma harimo Umunyarwanda Donald Kaberuka, wahoze ayoboye Banki Nyafurika Itsura Amajyambere.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Fidel Castro wahoze ari perezida wa Cuba yapfuye
Fidel Castro wahoze ari perezida wa Cuba yapfuye

Uwahoze ari perezida wa Cuba akaba n’umuyobozi w’impinduka ya gikomunisiti yabaye mu gice cya kabiri cy’ikinyejana gishize yapfuye afite imyaka 90. Amakuru yatangajwe na televiziyo y’igihugu ya (...)

USA: FBI ifata Hillary Clinton nka Anti-Kirisitu
USA: FBI ifata Hillary Clinton nka Anti-Kirisitu

Urwego rw’iperereza rwa Leta Zunze Ubumwe za Amerika, FBI, ruri kuvugisha menshi muri iyi minsi kubera inyandiko zishyira mu mazi abira umukandida w’abademokarate wiyamamariza ubuperezida, Hillary (...)

U Burusiya bwamuritse igisasu cya kirimbuzi kirusha ibindi ingufu
U Burusiya bwamuritse igisasu cya kirimbuzi kirusha ibindi ingufu

Igisirikare cy’u Burusiya cyashyize ahagaragara igisasu cya kirimbuzi gifite ubushobozi bwo kurimbura ahantu hangana n’u Rwanda n’u Burundi ubikubye kabiri. Ni ubwoko bw’ibisasu bwitwa RS-28 (...)

Umuryango wa EAC uravugwamo ruswa n’ikimenyane mu gutanga akazi
Umuryango wa EAC uravugwamo ruswa n’ikimenyane mu gutanga akazi

Inteko Ishinga Amategeko y’Umuryango wa Afurika y’Uburasirazuba, EALA, yahagaritse igikorwa cyo kwakira abakozi bashya muri EAC kubera ruswa n’imimenyane byagaragaye mu gutanga akazi. Mu nteko (...)

Nyuma y’u Burundi na Afurika y’Epfo yasabye kuva muri ICC
Nyuma y’u Burundi na Afurika y’Epfo yasabye kuva muri ICC

Afurika y’Epfo yatangiye ibikorwa byo kuva mu banyamuryango b’Urukiko Mpuzamahanga Mpanabyaha, ICC, ku wa Kane ku ya 20 Ukwakira 2016. Urwandiko kuva muri urwo rukiko Reuters ifitiye kopi, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.