Advertisement
 
 
 
 
 
 
 
 

Politiki | Mu Mahanga

Amatora yo mu Rwanda mu nzira zo kuzajya abera rimwe n’ay’ibindi bihugu bya EAC   

  Yanditswe na HERVE UGIRUMUKUNDA
 May 2016

 
 

Umuryango w’Ibihugu bya Afurika y’Uburasirazuba, EAC, washyizeho ikigo gishinzwe amatora ku buryo mu gihe kizaza amatora rusange yo mu Rwanda ashobora kuzajya abera rimwe n’ayo muri Kenya, Uganda, u Burundi na Tanzania.

Mu nama z’abakuru b’inteko zishinga amategeko mu bihugu bigize EAC yabaye ku wa mbere, Umukuru w’Inteko Ishinga Amategeko y’Ibihugu bya Afurika y’Uburasirazuba, EALA, Daniel Kidega yabasobanuriye ko hamaze gutorwa itegeko rigenga amatora muri EAC ryo muri 2012.

Iryo tegeko rishyiraho Ikigo gifite inshingano zo guteza imbere ibikorwa by’amatora, gushyiraho amabwiriza ayagenga no kugira inama ibihugu ku buryo amatora yajya akorwa neza.

JPEG - 180.4 kb
Umuyobozi w’inteko ya EALA, Daniel Kidega

Kidega yavuze ko icyo kigo kizajya gikorana na za komisiyo z’ibihugu z’amatora. Ni mu gihe Tanzania n’u Burundi byakoze amatora y’umukuru w’igihugu mu 2015, Uganda muri 2016 naho u Rwanda na Kenya bikazayakora muri 2017.

Mu nama yahuje abakuru b’inteko kandi bagarutse ku kigo kigamije kongerera ubushobozi abadepite n’abandi bakozi bo mu nteko (EAPI) kitezweho kwihutisha ibikorwa by’Umuryango wa EAC.

Icyo kigo kizatangira gukora mu mwaka w’imari utaha nyuma y’uko itegeko rikigenga rizaba ryemejwe n’Inama y’Abaminisitiri ya EAC.

Job Ndugai uhagarariye Tanzania yavuze ko kuba Perezida John Magufuli n’ uw’u Rwanda, Paul Kagame barafunguye umupaka wa Rusumo uhuza ibihugu byabo ari igikorwa gikomeye mu kwishyira hamwe kw’ibihugu bya Afurika y’Uburasirazuba.

Muri iyo nama, Kenya yari ihagarariwe n’umukuru w’inteko, Justin Muturi n’umukuru wa Sena Ekwee Ethuro; u Burundi n’umukuru wa Sena Reverien Ndikuriyo, n’uw’umutwe w’abadepite wungirije Nduwimana Edouard.

Naho u Rwanda rwari ruhagarariwe n’umukuru w’umutwe w’abadepite wungirije, Jeanne D’arc Uwimanimpaye.

 

Comments

 
 
USA: Hillary Clinton yibasiye  Trump mu ijambo rye rya mbere nyuma y’amatora
USA: Hillary Clinton yibasiye Trump mu ijambo rye rya mbere nyuma y’amatora

Mu ijambo rya mbere yavugiye mu ruhame nyuma yo gutsindwa amatora, Hillary Clinton yibasiye ubuyobozi bwa Perezida wa Leta Zunze Ubumwe za Amerika , Donald Trump. Yavuye imuzingo gahunda za (...)

USA: Perezida Trump arateganya guha umushahara we abatishoboye
USA: Perezida Trump arateganya guha umushahara we abatishoboye

Perezida wa Leta Zunze Ubumwe za Amerika, Donald Trump, yavuze ko azahembwa, ariko umushahara we akazawutanga mu bikorwa by’urukundo nubwo ubwo yiyamamazaga yari yavuze ko adashaka kuzahembwa. (...)

Perezida Donald Trump arashinja Obama kumviriza ibivugirwa kuri telefoni ye
Perezida Donald Trump arashinja Obama kumviriza ibivugirwa kuri telefoni ye

Perezida wa Leta Zunze Ubumwe za Amerika, Donald Trump arashinja uwo yasimbuye, Barack Obama, gufata amajwi ya telefoni ye mu mpera z’umwaka ushize, harabura ukwezi kumwe ngo atorwe. Abinyujije (...)

USA iriga ku gushoza intambara muri Koreya ya Ruguru
USA iriga ku gushoza intambara muri Koreya ya Ruguru

Leta Zunze Ubumwe za Amerika iri kwiga ku myanzuro yo kubuza Koreya ya Ruguru gukora ibitwaro bya kirimbuzi, irimo no gushoza intambara yeruye mu gihe iki gihugu gikomeje gutsimbarara. (...)

USA: Perezida Trump agiye gushyiraho itegeko rishya ryo gukumira abimukira
USA: Perezida Trump agiye gushyiraho itegeko rishya ryo gukumira abimukira

Perezida wa Leta Zunze Ubumwe za Amerika, Donald Trump yatangaje ko agiye gusohora iteka rishya ryo gukumira abimukira nyuma y’uko urukiko ruburijemo iryo yari yashyizeho bwa mbere rikumira abo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.