2017-05-24 10:43:15 clouds 27o High | Kigali Rwanda

Dukurikire:
 
 

Ali Bongo yarahiriye kuyobora Gabon

Yanditswe na IMVAHO NSHYA

Kuya 2016-09-27 13:33:38

 
Share on:
 
Yasuwe:1
 
Yavuzweho:200
 
10
 
10

Ali Bongo yarahiriye kuba Perezida wa Gabon kuri uyu wa Kabiri nyuma y’uko urukiko rw’itegeko nshinga rwemeje ko yatsinze amatora nubwo bitavuzweho rumwe.

Ati” Nsezeranye gukoresha ingufu zanjye zose mparanira kubaho neza kw’abaturage ba Gabon, kurinda, kubahiriza no kubaha itegeko nshinga.”

Mu gitondo, Perezidansi ya Gabon yari yatangaje ko ibirori byo kumurahiriza birabera mu ngoro ye mu murwa mukuru wa Libreville nk’uko AFP ibitangaza.

Ntihigeze havugwa amasaha ararahirira n’abatumiwe, byatumye abatavuga rumwe na Ali Bongo bavuga ko ari ikimenyetso cy’uko yibye amatora.

Umuvugizi wa Jean Ping, wari uhanganye na Bongo ati” Nta perezida muzima urahizwa mu bwihisho.”

Ku wa Gatandatu nibwo urukiko rwateye utwatsi abavugaga ko amatora yabayemo uburiganya. Imvururu zatangiye ku ya 31 Kanama, ubwo komisiyo yemezaga ko Bongo w’imyaka 57 yatsinze.

Abigaragambya batwitse inteko ishinga amategeko banahangana na polisi yataye muri yombi abasaga 1000.

Abatavuga rumwe na Leta bavuga ko abantu basaga 50 bishwe, nubwo ubuegetsi buriho bubihakana. Ali Bongo yagiye ku butegetsi asimbuye ise Omar Bongo wapfuye mu 2009.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE