2017-05-23 15:35:04 clouds 27o High | Kigali Rwanda

Dukurikire:
 
 

Ababarirwa muri 20 baguye mu mirwano y’ingabo za Congo n’abahoze muri M23

Yanditswe na IMVAHO NSHYA

Kuya 2016-06-16 05:23:07

 
Share on:
 
Yasuwe:13
 
Yavuzweho:200
 
10
 
10

Imirwano hagati y’ingabo za Repubulika Iharanira Demokarasi ya Congo n’abarwanyi bahoze mu mutwe wa M 23 bacumbikiwe mu gace ka Lubumbashi ku wa Gatatu yahitanye ababarirwa muri 20.

Hari hashize iminsi havugwa umwuka mu nkambi ya gisirikare ya Kamina mu majyepfo y’Uburasirazuba bwa Congo ahacumbikiwe abasaga 2000 bahoze mu mitwe y’inyeshyamba itandukanye muri gahunda yo kubasubiza mu buzima busanzwe.

AFP ivuga ko abaguye muri iyo mirwano batazwi neza; umwe mu barwanyi yemeza ko abapfuye ari icumi naho igisirikare cya Congo cyo kikavuga abasaga 20.

JPEG - 59.2 kb
Abarwanyi ba M23 bari i Kamina barataka inzara

Guverineri w’intara ya Haut Lomami, Celestin Mbuyu yavuze ko umusirikare w’ipeti rya Lieutenant ari mu bishwe. Ati “ Yishwe atemeshejwe imihoro n’abarwanyi bari baje mu mujyi gusahura.”

Abarwanyi 2300 bacumbikiwe mu nkambi ya Kamina biganjemo abahoze muri Mai Mai na M23.

Nyuma yo gutsindwa k’umutwe wa M23 muri 2013, Leta ya Congo yatangije gahunda yo kwambura abarwanyi bayo intwaro no kubasubiza mu buzima busanze (DDR3).

Ariko iyo gahunda yaje guhura n’imbogamjizi zitandukanye zirimo no kubura abaterankunga. Abacumbikiwe mu nkambi ya Kamina bavuga ko babayeho mu buzima bubi aho bicishwa inzara.

Iyi mirwano ishobora gutuma abandi barwanyi ba M23 bari bacumbikiwe muri Uganda n’u Rwanda binubira gusubira mu gihuru cyabo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE